Bakteriyalar adətən mikroskopik aləmdə kiçik ömürlərini yaşayırlar, lakin elm adamları insan kirpiklərinin ölçüsü və formasına bənzər nəhəng bir bakteriya tapıblar. Ölçüləri insan kirpiyinə yaxın olan bu yeni bakteriya mikroskop və böyüdücü şüşə olmadan adi gözlə görüləcək qədər böyükdür. Thiomargarita Magnifica adlanan bu yeni bakteriya beləliklə dünyanın ən böyük bakteriyası olaraq tarixə keçib.
Bu yeni bakteriya Thiomargarita Magnifica , Fransa Karib dənizindəki sualtı çürüyən bitkilərdə aşkar edilmişdir. Heç bir təhlükə yaratmayacağı düşünülən bu yeni bakteriya indiyə qədər kəşf edilən ən böyük bakteriya adını qazanmağı bacarıb.
Bakteriyanın kəşfi ilə araşdırma macərası başladı. ABŞ Genom İnstitutundan Jean-Marie Volland, “Biz insanlar üçün bu, Everest dağı kimi hündür bir insanla qarşılaşmağa bərabərdir” deyib.
Jean-Marie Volland və həmkarları insan kirpikləri qədər böyük olan bu bakteriyanı tədqiq edərkən onun hüceyrələrinin necə təşkil etdiyini görüblər. Thiomargarita Magnifica-nın mühüm kəşflərindən biri onun təxminən 12 milyon DNT ehtiva etməsidir. Bu yeni bakteriya adi bakteriyalardan bir neçə dəfə çox DNT saxlayır.
Bakteriyaları tədqiq edən elm adamları və tədqiqatçılar bu DNT-lərdə mühüm detalların olduğunu düşünürlər. Əslində normal şəraitdə bu ölçüdə görünməyən bakteriyaların bu ölçülərə çatmasını təmin edən amillərin öyrənilməsi üçün üzərində ciddi araşdırmalar aparacaqlarını bildirirlər.
Üstəlik, bakteriyaların çoxu iki eyni hüceyrəyə bölünərək çoxaldığı halda, bu uzun sapa bənzər canlılar uclarından kiçik bir parçanı qopararaq çoxalırlar və ayrılan hissə tamamilə yeni bir canlı olaraq inkişaf prosesinə başlayır.
Aşkar edilmiş bu orqanizmlər xeyli böyük ölçülərdə olduğundan yüz minlərlə kiçik bakteriya bunların xarici səthinə yerləşə bilir. Lakin tədqiqatçılar bu səthlərin təmiz göründüyünü dilə gətirirlər. Tədqiqatçılar bakteriyaların öz kiçik qohumlarından qorumaq üçün bir növ antibiotik ifraz edə biləcəyini irəli sürürlər.
Kaliforniya Universiteti, San-Fransisko və Kompleks Sistemlərdə Tədqiqatlar Laboratoriyasından Shailesh Date deyir ki, “bu bakteriyanın tapılması gözlərimizi həqiqətən mövcud olan araşdırılmamış mikrobların müxtəlifliyinə təkrar açdı”. “Həqiqətən, çox erkən mərhələdəyik və kim bilir, hələ kəşf etmədiyimiz nə qədər maraqlı şey var.” Bəs siz bu haqqda siz fikirləşirsiniz? Fikirlərinizi bizimlə bölüşməyi unutmayın.
