Çinin super radarı vasitəsi ilə alimlər həm Misir piramidaları, həm də Miduey adaları üzərində demək olar ki, eyni vaxtda plazma qabarcıqlarının göründüyünü aşkar ediblər. Dünyanın ən güclü radar sistemi olan LARID sayəsində Çin həm Misirdəki Giza piramidaları, həm də Miduey adalarında daha bir sirri aşkar edə bilər.
Çinin Hainan şəhərində yeləşən LARID radarı Yer atmosferinin yuxarı qatında plazma qabarcıqlarını 9600 km-ə qədər məsafədən aşkar edə bilir. Bəs gəlin görə bu plazma qabarcığı nədir? Ekvatorial plazma qabarcıqları Yerin aşağı enlik bölgələrində baş verən anormal hava hadisələridir. İonosferdə, yəni Yerin yuxarı atmosferində yerləşən bu qabarcıqlar yüklü hissəciklərin qəfil itməsi nəticəsində əmələ gəlir. Bu elektron yoxsul bölgələr GPS siqnallarına və peyk rabitəsinə ciddi təsir göstərmək potensialına malikdir. Alimlərin fikrincə, plazma qabarcıqları nəhəng ölçülərə, yüzlərlə kilometr diametrə çata və qlobal rabitə sistemlərini zədələyə bilər.
Çin keçən il qurduğu LARID sistemi ilə bu plazma qabarcıqlarını radarların köməyi ilə aşkar edən ilk ölkə olub. Çin Elmlər Akademiyasının Geologiya və Geofizika İnstitutu avqustun sonunda verdiyi açıqlamada indiyə qədər müşahidə edilən ən böyük plazma qabarcığını kəşf etdiklərini açıqlayıb. Keçən il noyabrın 4-6-da günəş fırtınası nəticəsində əmələ gələn bu plazma qabarcıqları radar ekranlarında aydın şəkildə görünmüşdü və elm adamları qabarcıqların əmələ gəlmə proseslərini və hərəkətlərini ətraflı şəkildə müşahidə edə biliblər. LARID 8-22 MHz tezlik diapazonunda işləyir və hər birində 24 ötürücü-qəbuledici antena dəsti olan iki subradar sisteminə malikdir. Bu sistemlər şərqdə və qərbdə yerləşdirilib. Tam rəqəmsal fazalı massiv sisteminə malik olan radar, aşkarlama tezliyi, diapazon və skan sahəsi kimi parametrləri real vaxt rejimində tənzimləyə bilir. İlkin olaraq 3000 kilometr olan effektiv aşkarlama diapazonu yeni siqnal kodlaşdırma üsulları və geofiziki simulyasiya modelləri sayəsində tez bir zamanda üç dəfə artırılıb.
