AMD öz strategiyasını dəyişərək, diqqətini həvəskarlara yönəlmiş məhdud flaqman qrafik kartı seqmentindən GPU bazarında mövcudluğunu genişləndirməyə dəyişib. Yəni, şirkətin yeni məqsədi bazar payını indiki 10%-dən iddialı 40-50%-ə çatdırmaqdır. Buna nail olmaq üçün AMD növbəti qrafik kartları seriyasında yüksək performanslı GPU-lar ilə Nvidia ilə rəqabət aparmaqdansa, bazarın 80%-ni əhatə edən kütləvi seqmentə diqqət yetirməyi planlaşdırır.
Artıq flaqman xüsusiyyətlərə sahib AMD qrafik kartları yerinə daha orta büdcəli və orta xüsusiyyətlərə sahib olan qrafik kartlar bizi qarşılayacaq. İndiyə qədər AMD, RDNA 4 arxitekturasına malik flaqman çipset Navi 41/4C GPU-nun inkişafının ləğv edilməsi ilə bağlı şayiələri rəsmi olaraq təsdiqləməyib. AMD əvvəlcə yüksək performanslı seqmentdə Nvidia-ya meydan oxumağı planlaşdırısa da, sonradan adı açıqlanmayan səbəblərə görə bu planlardan imtina edib. Bunun əvəzinə şirkət, yəqin ki, daha kütləvi bazara diqqət yetirən Navi 48 və Navi 44 GPU-ların inkişafına önəm verib. Qeyd edək ki, bu GPU-ların adları artıq AMD tərəfindən açıq mənbəli sürücü yamaqlarında və göndərmə sənədlərində təsdiqlənib.
Berlində keçirilən IFA 2024 sərgisində Tom’s Hardware müxbirinin suallarını cavablandıran AMD-nin baş vitse-prezidenti və AMD qrafika departamentinin baş meneceri Jack Huynh, AMD-nin əvvəlkindən köklü şəkildə fərqlənən və daha çox proqramda iştirak edəcək yeni strategiya qəbul etdiyini vurğulayıb. Qeyd etmək lazımdır ki, AMD-nin kütləvi seqmentə doğru irəliləməsi heç də misilsiz deyil. Şirkət bu yanaşmadan əvvəl iki dəfə istifadə edib. Belə ki, əvvəlcə Polaris 10/20/30 seriyası, sonra isə birinci nəsil RDNA çipləri ilə bu yanaşmadan istifadə etmişdi.
