Bu həftə, SpaceX başqa bir Starlink telekomunikasiya peyk qrupunu orbitə çıxarıb. Beləliklə, SpaceX-in kosmosdakı peyklərinin sayı bununla da 7 mini ötüb. Maraqlısı budur ki, CelesTrak servisinə görə, kosmosda olan aktiv peyklərin təxminən 2/3-nə Elon Musk nəzarət edir.
Hesabatda bildirilir ki, SpaceX-in hazırda Yer orbitində 6370 aktiv Ѕtarlik peyki mövcuddur. Bir neçə yüz peyk artıq aktiv fəaliyyət göstərə bilmədiyi üçün orbitdən çıxarılıb. Hesabata görə isə Starlink 2019-cu ildən bu günə qədər gündə orta hesabla 3 peyk orbitə buraxıb. Beləliklə, SpaceX indi orbitdəki peyklərin 62%-dən bir qədər çoxuna nəzarət edir. Elon Muskın şirkətinə ən yaxın rəqib olan OneWeb isə sadəcə 631 peykdən ibarət orbital qrupa sahib olub. Maraqlı bir şəkildə Rоѕсоѕmоѕ ilə əməkdaşlığınnın 2022-ci ildə bitməsinin ardınca OneWeb, peyklərini orbitə çıxarmaq üçün SpaceX roketlərindən istifadə edir.
SpaceX-in planlarına gəldikdə isə, şirkət dünyanın hər nöqtəsinə sürətli internet təmin etmək üçün orbitə 42000 peyk göndərməyi düşünür. Ѕtаrlіnk hazırda 102 ölkədə aktiv internet təmin edir. Hətta bu xidmətdən hazırda təxmini 3 milyon insan istifadə edir. Ümumiyyətlə, bu internet üçün insanlara sadəcə bir ədəd Starlink terminalı lazımdırr. Avropada və digər regionlarda terminalın qiyməti eləcə də xidmət haqqı dəyişsə də orta hesabla bu xidmət 50 avrodur. Gələcəkdə şirkət onlarla başqa ölkəyə genişzolaqlı internetə çıxış xidmətləri göstərməyi planlaşdırır. Bu çərçivədə yaxın tarixlərdə ölkəmizdə də bu xidmət istifadəyə veriləcək.
