Cənubi Koreya enerji tərəfində mühüm yeniliklər edib. Belə ki, Cənubi Koreyanın superkeçirici birləşmə cihazı və süni günəşi olaraq adlandırılan KSTAR nüvə sintezi enerjisində mühüm irəliləyiş əldə edib. Koreya Nüvə enerjisi institutu süni günəşə 100 milyon dərəcədən çox yüksək ion temperaturunu daha uzun müddət saxlamağa imkan verən yeniliklər edib. Ümumiyyətlə nüvə birləşməsini həyata keçirdiyi üçün süni günəş adlandırılan KSTAR 2007-ci ildə inşası tamamlanıb. KSTAR ilk plazmasını isə 2008-ci ildə əldə edib. KSTAR-da tokamak reaktorundan da istifadə olunur ki, bu da Fransada tikilən nəhəng eksperimental reaktor ITER-in təxminən üçdə bir hissəsidir.
Tokamak, 100 milyon dərəcəni aşan plazmanın qapalı maqnit sahəsində məhdudlaşdırılmağa çalışıldığı bir plazma tutma sistemi olaraq izah edilə bilər. Belə ki, tokamaklar plazmanı tutmaq üçün toroidal maqnit sahəsi yaradır. KSTAR isə öz növbəsində tokamak-ın alt hissəsində yer alan və reaktordan çıxan tullantı qazı və xarici maddələri idarə edən yönləndiricidən istifadə edir. Bu yönləndiricilər tokamak daxilində daxili səth istiliyinin tam yükünü daşıyırlar. Hal-hazırda, KSTAR təxminən 30 saniyə nüvə birləşməsi həyata keçirə bilər. Alimlər bildirirlər ki, yeni yönləndirici ilə 2026-cı ilin sonuna qədər reaktor 300 saniyə nüvə birləşməsi həyata keçirə biləcək.
KSTAR-da hazırda karbon yönləndirici mövcuddur lakin, 2018-də elm adamları tokamak üçün volfram yönləndirici üzərində çalışmağa başlamışdılar. Koreya Milli Elm və Texnologiya Tədqiqat Şurasının son bəyanatına görə, volfram karbondan daha yüksək ərimə nöqtəsinə malikdir və bu, reaktorun istilik axını həddini iki dəfə artırır. Bundan əlavə, Fransada inşa edilən beynəlxalq ITER layihəsində ilk plazmanın 2025-ci ildə, ilk birləşmənin isə 2035-ci ildə baş verəcəyi gözlənilir. Beynəlxalq Atom Enerjisi Agentliyinin məlumatına görə, dünyada 50-dən çox tokamak fəaliyyət göstərir.
