Adətən internet saytlarından istifadə olunan Captcha və ya Mən robot deyiləm testlərində botlar insanlardan daha yaxşıdır. Görünən odur ki, bu testlər öz vəzifəsini layiqincə yerinə yetirə bilmir. Bəzən bu testlər bizə o qədər qəliz suallar verir ki, onu tapmaq bir neçə saniyəmizin boş-boşuna getməsinə səbəb olur. Lakin araşdırma göstərir ki, botlar bu testləri bizdən daha sürətli və daha yaxşı tamamlayırlar. Əslində bu testlər son bir neçə ildə ortaya çıxmışdı. Çünki bəzən reklam və sairə məqsəd ilə botlar internet saytlarına daxil olurdu. Bunun qarşısını ala bilmək üçün isə yeni metod olan Captcha testləri hazırlanmışdı. Bu testlər bəzən qarışıq verilən rəqəmlərin düzgün yazılması, bəzən isə qarışıq şəkillər arasında lazım olanı seçmək ilə əlaqəli olur. Lakin bu testlər o qədər qarışıq ola bilir ki, insanlar da onu həll etməkdə çətinlik çəkir.
Qeyd edək ki, araşdırma 100-dən çox məşhur veb-saytda istifadə edilən captcha testlərini əhatə edib. Yekunda isə botlar bu testlərdə insanlardan daha çevik və daha yaxşıdır nəticəsi ortaya çıxıb. Ümumiyyətlə avtomatlaşdırılmış botlar internet üçün böyük təhlükə hesab olunur. Çünki bu botlar özlərini insan istifadəçi kimi təqdim edərək, məzmun silmək, hesab yaratmaq, rəy yazmaq və digər fəaliyyətlərlə məşğul ola bilirlər. Həmçinin bu botlar veb-saytın məhdud resursunu istehlak edir. Kaliforniya universitetinin alimləri tərəfindən aparılan araşdırmada ən populyar 200 internet saytı qiymətləndirilib və onlardan 120-nin hələ də captcha-dan istifadə etdiyi ortaya çıxıb.
Araşdırma çərçivəsində 10 captcha testini yerinə yetirmək üçün cins və təhsil səviyyəsi baxımından müxtəlif olan 1000 istifadəçi iştirak edib. Yekunda isə insanlar bu testlərə 9-15 saniyə arası vaxt sərf edib. Botlar isə 1 saniyədən az vaxtda bu testləri həll edə bilib. Ümumi baxdıqda isə botların dəqiqlik dərəcəsi 85-100% arasında dəyişib. Lakin onların əksəriyyəti 96%-dən yuxarı nəticə göstərib. Tədqiqatçılar bildirir ki, artıq captcha testləri öz vəzifəsini layiqincə yerinə yetirə bilmir. İnternet dünyasının daha təhlükəsiz olması üçün daha dinamik testlərə ehtiyac var.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
