NASA, uzunmüddətli kosmik missiyaların enerji ehtiyaclarını qarşılamaq üçün böyük bir addım olacaq layihəsi çərçivəsində ilk konsept dizaynlarını seçməyə başlayıb. Hər biri 5 milyon dollar məbləğində maliyyələşdirilən üç layihə NASA-nın kosmosda nüvə enerjisi ilə bağlı planlarının həyata keçirmək üçün çalışacaq.
Bəşəriyyətin indi uzunmüddətli və uzaq məsafəli kosmik missiyalara hazırlıq mərhələsində olduğu bir vaxtda ABŞ Milli Aeronavtika və Kosmik Tədqiqatlar İdarəsi (NASA) mühüm bir inkişafa imza atıb. Agentlik ABŞ Energetika Nazirliyi ilə birlikdə kosmosda nüvə enerjisi tədqiqatlarında ilk addımı atacaq üç konsept dizaynı təyin edib.
ABŞ-ın 2030-cu ilin sonuna kimi Ayda “füzyon enerjisi sistemi” yaratmaq planlarının bir hissəsi olaraq həmin konseptlərdən istifadə ediləcək. Bu çərçivədə Artemida ilə Aya çatmağı planlaşdıran NASA, Ay səthində enerji ilə təmin olunmağı planlaşdırır. Hər üç seçilmiş dizayn konsepsiyasının ilkin inkişafına kömək etmək üçün 5 milyon dollarlıq büdcə ayrılacaq.
Bu füzyon enerjisi sistemləri digər enerji sistemlərindən daha kiçik və yüngüldür. Stansiyanın yerindən, nə qədər günəş işığı almasından və ətraf mühit şəraitindən asılı olmayaraq enerji istehsal edə bilir. Stansiya uzunmüddətli Ay və Mars missiyaları üçün enerji təchizatına böyük təsir göstərəcək. NASA-nın Kosmik Texnologiya Missiyalarının idarəçisi Jim Reuter də yeniliklə bağlı öz fikrini aşağıdakı kimi ifadə edib:
“Yeni texnologiya Ayı, Marsı və daha artığını tədqiq etməyə imkan verir. Bu ilkin konseptləri inkişaf etdirmək bizə başqa planetlərdə uzunmüddətli insan varlığını gücləndirmək üçün zəmin yaratmağa kömək edəcək”.
Aydaho Milli Laboratoriyasının direktoru Con Vaqner isə, “Fission Surface Power layihəsi ABŞ-ın Ayda nüvə enerjisi yaratması istiqamətində həyata keçirilmə ehtimalı böyük olan ilk addımlardan biridir. Bu komandaların (konseptlərin) hər birinin nəyə nail olacağını səbirsizliklə gözləyirəm.” deyə öz fikrini bildirib.
NASA layihə çərçivəsində seçilmiş dizaynların tərtibatçılarını və tərəfdaşlarını aşağıdakı kimi elan edib:
- Lockheed Martin (BWXT və Creare ilə əməkdaşlıqda)
- Westinghouse (Aerojet Rocketdyne ilə əməkdaşlıqda)
- IX (Maxar və Boeing ilə əməkdaşlıqda)
Bəs siz bu barədə hansı fikrə sahibsiniz? Fikirlərinizi aşağıda bizimlə bölüşməyi unutmayın.
