Milçəklərin beyinlərini uzaqdan idarə etmək üçün gen mühəndisliyi, nanotexnologiya və elektrik mühəndisliyindən istifadə olunub. ABŞ-ın ən yaxşı institutlarından birində bəzi alimlərdən ibarət tədqiqat qrupu bir araya gəlib. Alimlər, milçək beynində olan neyronları idarə etməyə imkan verən simsiz texnologiya hazırlamağı bacarıblar.
Alimlər milçəklərin beyinlərinə siqnal göndərərək onları hərəkət etdirib!
Belə ki, Rice Universitetinin tədqiqatçıları meyvə milçəklərinin beyinlərini necə uzaqdan idarə edə olunacağını nümayiş etdiriblər. Alimlər, milçəklərin beyinlərinin müəyyən neyronlarına göndərilən siqnaldan sonra bir saniyə ərzində milçəkləri hərəkət etdirə biliblər.
Tədqiqat qrupu, milçəklərin neyron hüceyrələrində istilikdən istifadə edərək aktivləşdirilə bilən xüsusi ion kanalı hazırlayıb. Bu, ion kanalını hazırlamaq üçün gen mühəndisliyindən istifadə ediblər. İon kanalı işə salındıqda, milçəklər cütləşmə hərəkətlərindəkinə oxşar qanad açma hərəkətlərini icra edirlər. İon kanalını istəyə bağlı olaraq aktivləşdirmək üçün isə tədqiqatçılar milçəklərə elektromaqnit tətbiq etməklə qızdırıla bilən nanohissəciklər yeridiblər.
Tədqiqatçılar elektromaqniti işə saldıqda, elektrik sahəsi nanohissəcikləri qızdırır və neyronları aktivləşdirir. Nəticəni aşağıdakı qısa video-da görə bilərik.
Alimlər sistemi sınaqdan keçirmək üçün milçəyi maqnit bobinində kiçik bir qapaqda saxlayıb və kamera vasitəsi ilə ona baxıblar. Maqnit funksiysası işə salındıqda təxminən yarım saniyə ərzində milçəyin qanadları açılıb.
Robinson mətbuat açıqlamasında öz fikirlərini belə qeyd edib:
gen mühəndisliyi, nanotexnologiya və elektrik mühəndisliyi üzrə mütəxəssisləri bir araya gətirməklə biz bütün parçaları toplaya bildik və ideyanın işlədiyini sübut etdik.
Bu sistem beynin inkişafına, öyrənilməsinə və beyin xəstəliklərinə kömək olacaq. Alimlər həmçinin, gözləri görməyən insanı belə, yenidən görmə qabiliyyətini bərpa etməyə kömək edəcək yeni texnologiya üzərində çalışmağa başlayıblar.
Alimlərin milçəklər üzərində apardığı tədqiqatlar barəsində siz nə düşünürsünüz? Fikirlərinizi aşağıdan rəylər bölməsində bizimlə bölüşə bilərsiniz.
