Netflix platforması ötən ilin sonlarından başlayaraq öz abunəçi sayını itirməyə başlamışdı. İlin birinci rübündə itirilən abunəçi sayı təqribi 200.000 səviyyələrində idi. Zərərləri artan şirkət xüsusilə insanların ortaq hesab istifadəsi və şifrələrin paylaşılması ilə bağlı mübarizə aparırdı. Nəticədə gəlirləri daha da azalan Netflix yüzlərlə işçisini işdən çıxarmalı oldu. İlin ikinci rübündə 10 qat daha yüksək abunəçi sayı itirməklə bağlı hazırlıqlara başladı. Yəni ehtimallara görə Netflix ikinci rüb ərzində 2 milyon abunəçi itirəcəkdi. Lakin ötən gün çıxmış statistik məlumatlar şirkətin gözlədiyi kimi 2 milyon yox, sadəcə 970.000 abunəçi itirdiyini ortaya qoyur.
1 milyon abunəçi itirən Netflix hissə dəyərləri il ərzində 65% azalıb!
Bəli, 2 milyonluq abunəçi itkisi ehtimalına hazırlaşan şirkət 970.000 abunəçi itirib deyə müəyyən qədər sevinə bilər. Hətta bu statistik məlumatların qeyd olunduğu məruzə dərc edildikdən sonra hissə sənədlərinin dəyərində 8,6% artım müşahidə olunub. Amma bütün bunlara baxmayaraq 2022-ci il ərzində şirkətin ümumilikdə 65% hissə dəyəri itirməsi hissədarların Netflix-i məhkəməyə verməsi ilə nəticələnib.
Netflix xüsusi reklam modelinin hazırlanması ilə bağlı Microsoft ilə əməkdaşlıq edəcək. 2023-cü ildən istifadəyə verilməsi düşünülən reklamlı abunəlik modelləri və eyni zamanda abunəlik qiymətindəki düzəlişlərlə Netflix gəlirləri yaxşılaşdırmağa çalışacaq. Hal-hazırda üçüncü rübə doğru gedərkən, ötən ilin üçüncü rübündə Netflix 4.4 milyon abunəçi qazanmışdı. Bu il isə bu rəqəmlərin sadəcə 1 milyon ətrafında olması gözlənilir. Rəqəmlər nə qədər azalmış kimi görünsə də platforma bazara liderlik etməyə davam edir. Hissə dəyərində 8,65 faizlik artımla şirkətin gəliri təqribi 8 milyard dollara çatıb.
