Biildiyimiz kimi, bədənimizin düzgün istiqamətini qorumaq üçün beynimiz, ətraf mühitin zehni xəritəsi ilə bədənimizi təqib edən cəlbedici hesablamalar həyata keçirir. Əksər tədqiqatlar hesablamalara diqqət yetirsə də, çox azı nevroloji əlaqələrimiz ilə beynimizdəki zehni xəritəmizi aşkar edə bilib. Belə ki, tədqiqatçılar uzun araşdımalar nəticəsində beynimizdə itməməyimizə kömək olan neyron kompas aşkar ediblər.

Böyü Britaniyanın Virciniya Universiteti və Almaniyanın Ludwig Universitetindən olan tədqiqatçılar, dünyada yolumuzu necə tapdığımızı başa düşmək ümidi ilə bir növ ‘neyron kompas’ müəyyən ediblər. Bədənimizin hərəkət etdiyi və baxdığımız yerdəki ən kiçik səhvlər belə müxtəlif problemlərə səbəb ola bilər. Araşdırma eyni zamanda Аlzhеіmеr xəstəliyi kimi nevroloji xəstəliklərin araşdırması üçün də həyata keçirilib. İki ayrı eksperimentdə 52 sağlam könüllünün baş dərisinə elektroensefaloqramlar yapışdırılaraq beyin siqnallarını və hərəkətlərini izləmək imkanı əldə edilib.

Kəllə sümüklərinə elektrod implantasiya edilmiş 10 könüllü üçün epilepsi ilə bağlı əlavə testlər də edilib. Bu isə araşdırma komandasına beyində baş və göz hərəkətləri ilə aktivləşdirilən hissələrə daha yaxından nəzər salmağa imkan verib. Əzələ hərəkətlərinin və digər hərəkətlərin sinir fəaliyyətinin tədqiqinə təsirini nəzərə alan tədqiqatçılar beyində zehni xəritəmizdə itməyimizin qarşısını alan neyran kompas olduğunu aşkar ediblər. Bu “kompas” bir növ beyin daxilində məlumatların müxtəlif hissələr arasında ötürülməsinə xidmət edir. Damarın bu hissələrindəki siqnallar başın hərəkətindən dərhal əvvəl göndərilir. Bu isə o deməkdir ki, özümüzü ehtiyacımız olan istiqamətə yönəltməkdə və ətrafda harada olduğumuzu bilməkdə yəni, itməməkdə bu neyron kompas bizə kömək edir.