Amerikanın Stanford Universitetinin alimləri yenilikçi günəş panelləri icad edərək bütün diqqətləri öz üzərlərinə cəlb ediblər. Belə ki, Amerikalı alimlər gecə qaranlığında belə enerji istehsal edən yeni günəş panelləri icad ediblər.
Bu yenilikçi yanaşma, bərpa olunan enerji istehsalının davamlı genişlənməsini təmin edərək ənənəvi günəş enerjisi sistemlərindəki ən vacib problemlərdən birini həll edir. Qeyd edək ki, bu texnologiya radiasiya soyutma texnologiyasına əsaslanır. Ümumiyyətlə bu panellər necə işləyri? Gecə günəş hüceyrələri istilik yaymağa və ətraf mühitin temperaturundan aşağı bir temperaturda soyumağa meyllidir. Alimlər ətraf mühit və panellər arasındakı temperatur fərqindən istifadə edərək elektrik enerjisi istehsal etmək üçün maraqlı bir yol tapıblar. Belə ki, onlar bir termoelektrik generatoru adi günəş panellərinə birləşdiriblər.
Nəticədə isə cihaz temperatur fərqinə görə elektrik enerjisi istehsal edə bilib. Əlbəttə ki, bu həcm olduqca kiçikdir, lakin bu o deməkdir ki, panellər gecə-gündüz elektrik enerjisi istehsal edə bilər. Bundan əlavə, mövcud panellərin gecə işləyə bilməsi üçün əlavə cihaz almağa belə ehtiyac qalmayacaq. Bu panellər sadəcə termoelektrik generatorların əlavə edilməsi kifayət edəcək. Plana görə yeni panellər Alaska kimi günəş işığının az olduğu regionlara yaşayanlar üçün kritik əhəmiyyətə sahib olacaq. Qeyd edək ki, alimlər tərəfindən hazırlanan bu panellər bahalı olmayan və asanlıqla tapılan materiallardan hazırlandığı üçün daha çox diqqət çəkib.
