The Wall Street Journal-ın gündəmə gətirdiyi iddiaya görə, bəzi Meta işçiləri Facebook və Instagram tətbiqlərinə aid istifadəçi heablarını pul qarşılığında satdığı üçün işdən çıxarılıb. Belə ki, mənbəyə görə işdən çıxarılanların mühafizəçi olduqları və saylarının 10-u keçdiyi bildirilir. Xatırladaq ki, 2014-cü ildə Cambridge Analytica 50 milyon Facebook istifadəçisinin şəxsi məlumatlarını qanunsuz üsullarla toplamışdı. Hətta bu hadisəyə görə şirkətin səhmlərinin dəyəri aşağı düşmüşdü
Keçmişdə yaşanan Cambridge Analytica qalmaqalının izləri ilə boğuşmağa davam edən Meta bu gün böyük bir iddia ilə gündəmə gəlib. Meta şirkəti əməkdaşlarının Facebook və Instagram tətbiqlərinə aid istifadəçi hesablarını satmasını şirkət daxilində apardığı araşdırma nəticəsində öyrənib. Belə ki, şirkətin apardığı araşdırma nəticəsində məlum olub ki, bəzi meta işçiləri sistemə icazəsiz daxil olub. Sözü gedən sistem Meta işçiləri üçün qurulmuş Oops onlayn əməliyyatlar sistemidir. Qeyd edək ki, şirkətin əməkdaşlarının artması səbəbi ilə sistemdən istifadə edənlərin sayı artıb. Belə ki, 2017-ci ildə Oops vasitəsilə 22 min sorğuya cavab verilirdi, 2020-ci ildə bu rəqəm 50 min 270-ə çatıb.
Belə ki, bu işçilər bəzi istifadəçilərə aid hesabları sıfırlayaraq Bitcoin müqabilində üçüncü tərəflərə satırmış. Meta-nın təhlükəsizlik xidmətlərindən olan Allied Universal mövzu ilə bağlı açıqlama verərək şirkətin qanun pozuntuları ilə bağlı bütün hesabatları ciddi şəkildə araşdırdığını bildirib.
