Qualcomm, Snapdragon ailəsi üçün Oryon adlı yeni brendini elan edib. Belə ki, 2023-cü ildə buraxılacaq yeni CPU istehsalçılara Windows kompüterləri, Android smartfonlar və digər müxtəlif cihazlar arasında unikal istifadə imkanı gətirəcək.
Şirkət artıq bir neçə ildir ki, Windows və Chrome OS kompüterləri üçün Snapdragon markalı prosessorlar hazırlayır. Lakin onların bir çoxunun Windows kompüterlərdə işləməsi həm biraz çətin olur, həm də Apple M seriyası kimi ekosistem smartfonlarını dəstəkləmir. Ötən günlərdə anons edilən yeni nəsil Qualcomm Oryon seriyası ilə bu problem kökündən həll ediləcək. Üstəlik bu proses dolayı olaraq Apple mühəndislərinin “iştirakı ilə həyata keçirilir”.
Apple şirkətinin M1 də daxil olmaqla bütün prosessor texnologiyalarını formalaşdıran baş mühəndisi və komandası NUVIA şirkətini qurdu. 2019-cu ildən bu komanda növbəti 4 il ərzində yeni nəsil unikal prosessorlar hazırlamaqla bağlı işləməyə başladılar. Belə ki, Qualcomm şirkəti sürətli davranaraq qurulduqdan qısa bir müddət sonra Nuvia şirkətini 1,4 milyard dollara satın aldı. Nuvia-nın keçmiş baş direktoru Gerard Williams III, ötən gün Qualcomm Oryon brendini elan edən şəxs idi.
Qualcomm şirkətinin Snapdragon seriyası performans baxımından Apple şirkətinin ARM əsaslı M seriyalı prosessorlarından geri qalır. Əsas problem isə Windows kompüterləri üçün qurulmuş proqramları idarə etməkdə yaranan çətinliklər və platforma üçün xüsusi olaraq optimallaşdırılmalar təklif etməyən Microsoft şirkətindən qaynaqlanır. Qualcomm şirkətinin Windows kompüterləri üçün növbəti nəsil çipləri çox güman ki, hazırkı prosessorlardan daha yaxşı performansa malik olacaq. Qualcomm Snapdragon Oryon barədə düşüncə və fikirlərinizi şərh bölməsində bizilərlə paylaşmağı unutmayın.
