Samsung-un yeni ağıllı saatı Galaxy Watch 5 və Galaxy Watch 5 Pro-nun ilk görüntüləri ortaya çıxıb. Belə ki, şirkət ənənəvi dizaynından yeni nəsildə də davam edəcək, lakin biraz daha zərif görünəcəyini söyləmək olar.
Smartfonlar və digər texnoloji məhsullarla bağlı ən mühüm insyaderlərdən biri olan Evan Blass Cənubi Koreyanın texnologiya nəhəngi Samsung haqqında yeni paylaşımlar edib. Blass, Samsung Galaxy Watch 5 və Watch 5 Pro-nun rəsmi mətbuat görüntülərinə aid olduğu iddia edilən render görüntülərini paylaşıb. Lakin göründüyü qədərilə yaxınlaşmaqda olan ağıllı saatlar bizi elə də möhtəşəm gəlməyəcək. Çünki, şirkət əvvəlki seriya modellərinə bənzər dizayn ilə davam edir. 2022-ci il üçün çox qalın olan ekran çərçivələri hələ də öz mövcudluğunu qoruyur.
Əldə edilən məlumata görə, Samsung şirkəti Galaxy Watch 5 Pro modelini Project X olaraq kodlaşdırıb. Saatın xüsusiyyətlərinə baxdığımızda LTE versiyasının da mövcud olduğunu deyə bilərik. Bəzi mənbələrin dediyinə görə, Galaxy Watch 5 Pro modeli Galaxy Watch 4 Classic modelinin varisi kimi təqdim ediləcək. Digər tərəfdən, Galaxy Watch 5-in kod adının “ürək” olduğu deyilir və bu saat birbaşa Galaxy Watch 4-ü əvəz edəcək.
Galaxy Watch 5 Pro-nun dizayn xüsusiyyətlərinə baxdığımızda saatın ümumiyyətlə Galaxy Watch 4-ə bənzədiyini görürük. Bununla belə, kəmər bağlama nöqtələrindəki dəyişiklik diqqətdən kənarda qalmır. Galaxy Watch 5-dəki kəmər bağlantı nöqtələri Galaxy Watch 4 ilə tamamilə eynidir. Yenə də dizayn bir az daha qalın görünür, bu da davamlılığın daha yaxşı olduğunun işarəsi ola bilər.
Samsung gələn ay Unpacked tədbiri keçirəcəyi və bu tədbirdə ən yeni məhsullarını təqdim edəcəyi gözlənilir. Burada Galaxy Watch 5 seriyası da debüt edə bilər. Bu təqdimatın eyni zamanda şirkətin yeni smartfonlarına da ev sahibliyi edəcəyi gözlənilir. Keçiriləcək tədbir ağıllı saatların bütün xüsusiyyətlərini ortaya çıxaracaq. Nəticədə Galaxy Watch 5 seriyasının texniki cəhətdən Galaxy Watch 4 seriyasından çox da üstün olacağı gözlənilmir. Siz bu haqqda nə fikirləşirsiniz? Fikirlərinizi bizimlə bölüşməyi unutmayın.
