Consumer Reports qeyri-kommersiya təşkilatı avtopilot sistemləri üçün yenilənmiş təhlükəsizlik reytinqini dərc edib. Ümumilikdə təşkilat müxtəlif şirkətlərin 12 avtopilot sistemini sınaqdan keçirib.
Tesla şirkətinin çox reklam edilən avtopilot sistemi reytinqdə ilk beşliyə belə düşə bilməyib. Testlərdə eyni zamanda adaptiv kruiz kontrol və zolaq dəyişdirmə köməkçisindən istifadə edə bilən avtomobillərdə yer alıb. Buna görə də reytinq Mazda, Jaguar, Land Rover, Porsche, Stellantis, Subaru markaları da siyahıya əlavə edilib.
Mütəxəssislər həyata keçirdikləri sınaqlar çərçivəsində avtomobili idarə etmə, sürətə nəzarət, salonda olan insanların təhlükəsizliyinin təmin edilməsi, sürücünün idarəetmə prosesində nə dərəcədə iştirak etməsi məsələlərinə də diqqət yetirmişdir. Nəticədə Ford şirkətinin, həmçinin Lincoln ActiveGlide adlanan Ford BlueCruise avtopilot sistemi reytinqdə birinci yeri tutub. Ford şirkətinin bu avtopilot sistemi 100 üzərindən 84 bal toplayıb. Mütəxəssislər onun hərtərəfli funksionallığını və sürücünün diqqətinə nəzarət sistemini yüksək qiymətləndiriblər. Lakin Ford BlueCruise-un da bəzi çatışmazlıqları da var. Məsələn sistemin fövqəladə əyləc sistemi yoxdur.
Reytinqdə ikinci yeri General Motors şirkətinin Super Cruise, üçüncü yeri isə Mercedes-Benz Driver Assistance avtopilot sistemi tutub. Tesla avtopilot sistemi isə reytinqdə 7-ci yerdədir. Hətta Tesla avtopilotu Volkswagen şirkətinin Travel Assistant sistemindən bir addım geri qalır. Honda/Acura , Volvo/Polestar və Hyundai şirkətinin avtopilot sistemləri ən pis nəticələri göstərib. Onlar müvafiq olaraq 58, 53 və 47 xal qazanıblar. Mütəxəssislər belə qənaətə gəliblər ki, hazırda bazarda olan heç bir avtopilot sistemi sürücü və yola tam nəzarət etmək potensialına malik deyil. Tesla avtopilotu yaxşı nəticə göstərsə belə, sürücüyə nəzarət baxımından heç də yaxşı deyil. Sürücü laqeyd yanaşdığı təqdirdə elektromobilin bunu təsbit edə biləcək nəzarət sistemləri çox sadə qalır.
