Gələcəyin ən böyük texnologiyalarından biri olaraq görülən süni intellekt sistemləri günü-gündən inkişaf etməyə davam edir. Elmi fantastika əsərlərini reallığa çevirəcək bu texnologiyalarda ən son inkişaflara nəzər salaq. Süni intellekt sistemləri inkişaf edən texnologiyanın təklif etdiyi ən maraqlı şeylərdən biridir. Hər keçən gün elmi fantastika filmlərini gerçəkləşdirən gələcəyə doğru gedirik. İndi biz süni intellekt texnologiyalarının ən son inkişaflarından bəziləri haqqında danışacağıq.
Ağrını hiss edə bilən süni dəri
Şotlandiyanın Qlazqo Universitetinin alimləri ağrıları hiss edən və onlara cavab verən süni dəri hazırlayıblar. Paylaşılan məlumatda deyilir ki, beynin sinir yollarını təqlid etmək üçün nəzərdə tutulmuş sinaptik tranzistorlara əsaslanan sistemdən istifadə edilib. Plastik materialın səthinə həkk olunmuş nanotellərdən hazırlanmış bu tranzistorlar elektrik müqavimətindəki dəyişiklikləri qeydə alan dəri sensoruna birləşdirilib.
Dəriyə tətbiq olunan təzyiq səviyyəsinə görə dəyişən gərginlik həddi vasitəsilə süni intellektə simulyasiya edilmiş ağrılara cavab verməyi öyrədə biləcəklərini ifadə edən mütəxəssislər, bu dərinin robot sistemlərində istifadə edilə biləcəyini ifadə ediblər. Müvafiq olaraq, süni dəri robot qolunun təhlükəli dərəcədə yüksək temperaturlarla təmasda olmasına mane ola bilərlər.
Futbolçuların hərəkətlərini təxmin edə bilən model
Süni intellekt texnologiyaları ilə məşğul olan DeepMind çox maraqlı bir sistem hazırladığını açıqlayııb. Google çətiri altında fəaliyyət göstərən şirkət, bəzi oyunçuların kamera qeydlərindən istifadə edərək oyunda futbolçuların hara hərəkət edəcəyini təxmin edən süni intellekt inkişaf etdirdiyini bildirib. Daha da maraqlısı odur ki, Graph Imputer adlanan sistem kameranın baxış sahəsindən kənardakı oyunçular haqqında real proqnozlar verə və onların mövqelərini təyin ede bilir. Graph Imputer mükəmməl bir sistem olmasa da DeepMind tədqiqatçıları bildirirlər ki, sistem komandaların oyundan əvvəl və sonrakı analizləri üçün istifadə edilə bilər.
Mətndən video yarada bilən süni intellekt
OpenAI kimi şirkətlərin mətndən şəkilə çevirmə süni intellekt üçün hazırlıqlar davam edərkən, bu mövzuda çox əhəmiyyətli bir inkişaf baş verib. Pekindəki Tsinghua Universitetinin tədqiqatçıları yeni süni intellekt sistemi hazırlayıblar və bu mövzuda texnologiyaları bir addım daha irəli aparıblar.
Pekin süni İntellekt Akademiyası ilə birgə hazırlanmış bu sistemi CogVideo adlandırıb. Açıqlamalara görə, bu süni intellekt mətnlərdən videolar hazırlamağa qadirdir. Məsələn, sistemə “adam xizək sürür” yazırsınız və onu ehtiva edən bir video hazırlanır. Bir sözlə, gələcəkdə bütün dünyada geniş yayılacağı gözlənilən süni intellekt texnologiyalarının bir çox fərqli sektorda istifadə olunacağı gözlənilir. Bəs siz bu haqqda nə fikirləşirsiniz? Fikirlerinizi bizimlə şərh bölməsində paylaşa bilərsiniz.
