Bildiyiniz kimi çoxdan gözlənilən Samsung Galaxy S23 seriyası bu yaxınlarda təqdim edilmişdi. Lakin smartfonlarla bağlı narahat edən bir detal ortaya çıxıb. Verilən məlumata görə OneUI interfeysli əməliyyat sistemi və quraşdırılmış sistem proqramları Galaxy S23 modelinin yaddaşının təxminən 60 GB-ını tutur.
Məsələni belə izah etmək olar. Məsələn, 128 GB yaddaşa malik Galaxy S23 almış olsaq iddialar nəzərən yaddaşın 1/3 hissəsi dolmuş olacaq. İlkin araşdırmalar göstərdi ki, əməliyyat sistemi tərəfindən istehlak edilən yaddaş satın alınan ölkədən asılı olaraq 35% və ya daha çox zəbt oluna bilər. Yüksək yaddaş istifadəsi xüsusilə ABŞ və Avropa versiyalarında daha aydın görünür. Sammobile veb saytı Galaxy S23 modelinin Hindistan və Hollandiya versiyalarının ekran görüntülərini yayımlayıb. Hindistan versiyasında sistemin 38,39 GB boş yer tutduğunu, digərində isə bu rəqəmin 58,04 GB olduğunu görə bilərsiniz.
Müqayisə üçün qeyd etmək lazımdır ki, Google Pixel 7 üüçün bu rəqəm 15 GB ətrafında dəyişir. Təmiz quraşdırmadan sonra Windows 11 Pro əməliyyat sisteminin tutduğu yer belə təxminən 30 GB olacaq. Bunun heç bir əsası yoxdur, çünki Galaxy S23 davamlı yeniləmələr kimi tanınan A/B sistem yeniləmələrindən istifadə etmir.
Google Pixel seriyası xaricində digər smartfonlara əvvəlcədən quraşdırılmış proqramlar (bloatware) əksər hallarda daha çox yer tutur. Bildiyiniz kimi, Samsung öz cihazlarına Google proqramlarından əlavə öz tətbiqlərini də daxil etməli olur. Şirkət həm bu proqramları, həm də smartfonlarında eyni işi görən öz proqramlarını istifadəçilərə ehtiva edir. Məsələn, Galaxy modelləri həm özünün Mesajlar proqramı, həm də quraşdırılmış Google Mesajlar proqramı ilə gəlir. Hər ikisi cihazdan çıxarıla bilməz. Lakin yenə də yaddaşın bu qədər zəbt olunması və Samsung Galaxy S23 seriyası modellərinin hər bölgə üçün fərqli variantında yaşanan müxtəlifliklər yenə də şübhə doğurur. Böyük bir ehtimalla yaşanmış hal sistem xətasıdır və yeniləmələrlə düzələcək. Lakin mövzu ilə bağlı rəsmi bir açıqlama mövcud deyil.
