Şübhəsiz ki, inkişaf edən texnologiya ilə avtonom avtomobillər yaxın gələcəkdə həyatımızın bir parçası olacaq. Avtonom avtomobillər artıq bir-biri ilə əlaqə saxlayaraq nəqliyyat axınını yaxşılaşdırmağı hədəfləyir. Elə buna görədə elm adamları avtonom avtomobillər üçün işıqforda ağ rəngdə dördüncü işıq əlavə olunmasını tövsiyə edirlər.
Nəqliyyat axınını optimallaşdırmaq üçün avtonom avtomobillər əlaqələndirilmiş sistem üzərindən həm bir-biri ilə, həm də magistral yolların hərəkətə nəzarət sistemləri ilə əlaqə saxlayacaq. Alimlər axını daha da yaxşılaşdıracaq bir təklif irəli sürürlər. Araşdırmalar göstərir ki, vahidləşdirilmiş sistem ilə idarə olunan kəsişmələrdə əlavə ağ işıq insan sürücülərinin və avtonom nəqliyyat vasitələrinin inteqrasiyasını asanlaşdırır, eyni zamanda nəqliyyat axınını daha da gücləndirir.
Tədqiqatın əsas ideyası avtonom nəqliyyat vasitələrinin bir-biri ilə və kəsişmədə işıqforu idarə edən kompüterlə əlaqə saxlamasını təklif edir. Bu kommunikasiya sayəsində avtonom nəqliyyat vasitələri dayanmadan sürətli şəkildə irəliləyə biləcək və bütün avtonom nəqliyyat vasitələri koordinasiya ediləcək. Həm avtonom, həm də insan sürücülərin olduğu yol şəraitində ağ işıq əslində insanlar üçün göstəriləcək.
Belə ki, insanlar ağ işığı görəndə sadəcə qarşıdakı nəqliyyat vasitəsini izləməlidirlər. Ağ işıq, kəsişmədə avtomobillərin əksəriyyəti avtonom olduqda aktiv olacaq. Əgər kəsişmədə bir neçə avtopilot aktiv avtomobil varsa, göndərilən məlumata əsasən işıqforlar avtomobillər tərəfindən idarə olunacaq və sıxlığın çox olduğu tərəfə üstünlük veriləcək. Aradakı bir neçə avtopilot olmayan avtomobillər də ağ işığın tələblərinə cavab verəcəklər. Əgər kəsişmədə avtonom idarə olunan avtomobillərin sayı azdırsa, avtomatik olaraq ağ işıq deaktiv ediləcək və işıqfor ənənəvi qaydada normal sürücülər üçün işləyəcək.
Alimlər artıq deyirlər ki, avtonom nəqliyyat vasitələri axını yaxşılaşdıracaq, lakin ağ işıqla bu təkmilləşmə daha da böyük olacaq. Bu axının təkmilləşdirilməsi həm də yanacaq sərfiyyatına qənaət deməkdir. Araşdırma real dünyada sınaqdan keçirilməyə hazırlnanır, lakin sınaqların davam edəcəyi bildirilir. Hesablamalara əsasən, sadəcə 10% avtopilot ilə işləyən avtomobil işıqforu tənzimləsə sıxlığı təqribi 3% azaltmaq mümkündür.
