Çinin Guzngzhou Automotive Group digər adı ilə GAC şirkəti tərəfindən dünyanın ilk ammonyak əsaslı avtomobil mühərriki təqdim edilib. Ümumiyyətlə son dövrlərdə avtomobil sənayəsində bir sıra innovativ yeniliklər olmuşdur. Bunların ən bariz nümunəsi isə hal-hazırda avtomobil bazarında üstünlük təşkil edən elektromobillərdir. Belə ki, elektrik mühərriklərinə sahib olan bu avtomobillər sadəcə müəyyən həcmdə batareya ilə təchiz edildiyi üçün onların şarj edilməsi lazım gəlir. Şarj müddətləri isə avtomobil brendlərinə görə dəyişir. Çinli brend isə elektrikli mühərriklər qədər büdcə dostu və ətraf mühitə zərər vurmayan, o cümlədən maye ammonyak ilə işləyən avtomobil mühərriki hazırlayıb.
Qeyd edək ki, ammonyak əsaslı bu avtomobil mühərriki 2.0 litrlikdir. Maye ammonyak ilə çalışan və emissiyası sıfıra bərabər olan mühərriklər gələcəkdə elektrikli mühərriklərə rəqib ola bilər. Lakin indiyə qədər avtomobil sənayesində su ilə daha doğrusu hidrogen ilə işləyən mühərriklər də təqdim edilmişdi. Bu mühərriklər uzun istifadəyə əlverişli olmadığı üçün və istehsal xərci çox olduğu üçün avtomobil brendləri tərəfindən maraqla qarşılanmadı. Lakin maye ammonyak saf hidrogendən daha effektiv hesab olunur. Hətta gələcəkdə bir çox nəqliyyat vasitəsinin sadəcə ammonyak ilə işləyəcəyi də gözlənilir. Ammonyak hidrogendən fərqli olaraq böyük təzyiq cə ya kriogen temperaturlara qədər soyutma tələb etmir.
Ammonyak isə əsasən birbaşa yanması ilə məşhurdur. Hətta yanma prosesi adi yanacaqlardan daha yavaş gedir və yüksək dövrlərdə güc problemlərinə səbəb olur. Bununla belə GAC ammonyak ilə işləyən 2.0 litrlik minik avtomobil mühərriki hazırlayıb. 161 at gücü hasil edən bu mühərrik barədə daha ətraflı məlumat yoxdur. Lakin GAC mühərrikin işə düşməsi üçün benzin və dizel kimi yanacaqlardan istifadə edib. Bu səbəbdən də mühərrik zərərli qazların emissiyasını sadəcə 90% azalda bilib. Hələlik bu mühərrikin iş prinsipi təhlükəli hesab olunur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
