11 iyul Ümumdünya Əhali Günüdür. Bu əlamətdar tarix 1989-cu ildə BMT-nin əhali problemlərinin həllinə yardım göstərən ən iri beynəlxalq təşkilatı olan Əhali Fondu tərəfindən təsis edilib. Ötən gün ilk dəfə 1990-cı ildə 90-dan artıq ölkədə qeyd edilib. Bu il də eyni münasibətlə bütün gözlər Birləşmiş Millətlər Təşkilatına (BMT) yönəldi. Çünki, BMT-nin İqtisadi və Sosial Məsələlər Departamenti Ümumdünya Əhali Günü ilə bağlı xüsusi hesabat dərc edib. Nəşr olunan hesabatda dünya nüfuzu haqqında yeni məlumatlar verilib və yaxın illərdə əhali sayının hansı səviyyələrə yüksələcəyi açıqlanıb.
Çin dünyanın ən çox əhalisi olan ölkəsi ünvanını itirəcək
BMT-nin Dünya Əhali Günü hesabatına baxdığımızda olduqca təəccüblü nəticələrlə qarşılaşırıq. Çünki hesabata görə çox yaxın gələcəkdə dünya əhalisinin ən sıx məskunlaşdığı ölkə olan Çin bu ünvanını itirəcək. BMT-nin hesabatına görə 1 milyard 412 milyon əhalisi olan Hindistan, 2023-cü ildə 1 milyard 426 milyon əhalisi olan Çini keçəcək. 2050-ci ilə gəldiyimiz zaman Hindistan əhalisinin sayı 1 milyard 668 milyon, Çinin əhalisi isə 1 milyard 317 milyon olacaq.
Dünya nüfuzu 15 noyabrda 8 milyard olacaq
BMT-nin hazırladığı hesabata görə, noyabrın 15-də dünya əhalisinin sayı 8 milyarda çatacaq. Növbəti dövrdə də yüksəlişlər davam edəcək. Hesablamalara görə, 2030-cu ildə 8,5 milyard, 2050-ci ildə 9,7 milyard, 2080-ci ildə isə 10,4 milyard insan olacaq. Bu tarixdən sonra isə əhalinin artım tempi aşağı düşəcək. 2100-cü ilə qədər əhalinin sayının 10,4 milyard səviyyəsində qalacağını proqnozlaşdırılır. BMT-nin məlumatına görə, bəzi inkişaf etməkdə olan ölkələrin doğum səviyyəsi yaxın illərdə kəskin şəkildə aşağı düşəcək. Bununla belə, 8 ölkədə əhali sayında partlayış yaşanacaq. Bu ölkələr Konqo Demokratik Respublikası, Efiopiya, Filippin, Hindistan, Misir, Nigeriya, Pakistan və Tanzaniyadır.
