Caviar şirkəti Notr-Dam kilsəsindən ilhamlanan, 18 karatlıq qızılla örtülmüş və brilyantlarla bəzədilmiş xüsusi iPhone 16 Pro Max modelini təqdim edib. Lüks telefonlar dedikdə ağla gələn ən birinci adlardan biri olan Caviar yenə göz oxşayan dizaynı ilə qarşımızdadır. Belə ki, bu dəfə ilham mənbəyi Parisi simvollarından biri olan Nort-Dam Katedralıdır. Cəmi 16 ədəd istehsal edilən xüsusi iPhone 16 Pro Max modeli həm dizaynı, həm də qiyməti ilə adından söz etdirməyə hazırlaşır.
Yeni modelin korpusu tamamilə 18 karatlıq ağ qızılla örtülmüşdür. Arxa tərəfdə qotika üslubunda üçölçülü naxış, ortada isə Notr Damın məşhur vitrajlarını xatırladan rəngli şüşə detalları diqqəti cəlb edir. Əl işçiliyi ilə hazırlanmış Apple loqosunun 18 karatlıq ağ qızıl ilə örtüldüyü və müxtəlif ölçülü cəmi 59 brilyantla bəzədildiyi açıqlanıb. Bildirilib ki, cihazı tamamilə əhatə edən qızılı çərçivə telefona arxitektura quruluşu verir.
Layihənin başlanğıc nöqtəsi olan Notr Dam Katedralinin tikintisinin 12-ci əsrdə başladığı və təxminən 200 ildə tamamlandığı paylaşılıb. 2019-cu ildə baş verən yanğından sonra başlayan bərpa prosesi hələ də davam edərkən, Caviar bu xüsusi modeli ilə kafedralın simvolik mənasını texnologiya ilə bir araya gətirib. Modelin qiyməti 128 GB tutumlu iPhone 16 Pro üçün 104 490 dollar, 1 TB tutumlu iPhone 16 Pro Max üçün 115 490 dollar olaraq açıqlanıb. Digər tərəfdən, Caviar bu yaxınlarda “Horizon Collection” adlı başqa bir xüsusi seriya təqdim etmişdi. Bu kolleksiyada dünya miqyasında tanınmış şəhər mövzuları ilə dizayn edilmiş lüks telefonlar nümayiş etdirilib. O, dizaynlarda 24 karatlıq qızıl, titan, təbii daş və rəngli mina kimi qiymətli materiallardan istifadə etdiyini açıqlayıb. Şirkət, seriyadakı hər bir modeli 10-99 ədədlə məhdudlaşdırdığını və qiymət aralığının 8,900 ilə 13,700 dollar arasında olduğunu açıqlayıb.
