Cənubi Koreya nəhəngi Samsung, qatlana bilən cihaz yarışında tam sürətlə irəliləyir. Belə ki, Şirkət tərəfindən alınan yeni patent indiyə qədər inkişaf etdirilən bütün modelləri kölgədə qoya biləcək qeyri-adi dizaynı ortaya qoyur. Tək çevik displeylə örtülmüş üç menteşəli, dörd panelli konstruksiyadan ibarət olan bu konsept qatlana bilən texnologiyanın sərhədlərini aşır. Beləliklə, Samsung bu dəfə də dörd ekranlı qatlana bilən smartfon patenti ilə bütün diqqətləri cəlb etməyi bacarıb.
Patentdəki çertyojlar cihazın akkordeon kimi açılıb-bağlana bildiyini göstərir. Bu dizayn hələlik sadəcə ideya olsa da, Samsung-un gələcək planlarını ortaya çıxarması baxımından diqqət çəkir. Şirkətin yaxın gələcəkdə bu modeli buraxacağı gözlənilmir, lakin bu konsepsiyanın vaxtı çatdıqda reallığa çevrilməsi heç kəsi təəccübləndirməz. Digər tərəfdən patentdə daha konkret bir model olan üç panelli, iki menteşəli üç qatlı cihaz da diqqət çəkir. USB-C portu və üçlü kamera sırası ilə daha dolğun görünən bu telefon, son Galaxy Unpacked tədbirində göstərilən ikiqat menteşəli dizayna uyğun gəlir.
Bundan əlavə, onun GSMA bazasında SM-F9680 və SM-F968N model nömrələri ilə qeyd olunması məhsulun tezliklə müəyyən bazarlarda satışa çıxa biləcəyindən xəbər verir. Qatlana bilən texnologiyaya ilk addımını illər əvvəl Galaxy Z Fold ilə atan Samsung, hələ bu sahəyə girməyən rəqibləri ilə fərqini daha da artırmağa davam edir. Üç menteşəli və dörd ekranlı Samung modeli yaxın gələcəkdə təqdim edilməsi hələ gözlənilməsə də, üç ekranlı model üçün eyni sözü deyə bilmərik.
