Avropa birliyində yüksək sürətli qatarların təyyarələri əvəz edəcəyi təxmin edilir. İyun ayının sonunda Fransanın Lion şəhərində, Avropa Dəmir Yollar Birliyi üzvlərinin görüşü keçirilib. Bu görüşdə Avropa qitəsində ən böyük şəhərlər arası, yüksək sürətli sərnişin daşıma qatar xətlərinin çəkilməsi müzakirə olunub.
Yüksək sürətli qatar xətləri avropanın ən böyük şəhərləri arasında çəkilə bilər. Burada ən müasir, ucuz və karbon emissiyasız yeni nəsil qatarlar istifadə olunacaq. Nəticədə aşağı büdcəli uçuş təklif edən avişirkətlərin istifadəsində ciddi problemləri yaranacaq. Bu xəbərdən sonra qeyd olunan aviaşirkətlər də hərəkətə keçəcəklər.
Ətraf mühiti qorumaq üçün yüksək sürətli qatarlar
Eyni zamanda bu addımın əsas səbələrindən biri, ətraf mühitin qorunmasıdır. Bununla da şəhərlər arası uçuşlara alternativ yol tapılmış olur. Bildiyimiz kimi təyarələr uçuş zamanı havaya həddindən çox zərərli maddələr buraxır. Həmçinin artıq təyarələr gündəmimizin ekoloji standartlarına uyğun gəlmir. Amma yüksək sürətli qatarlarda bu mənfi xüsusiyyət yoxdur.
Lakin insanlar hal-hazırda münasib qiymətə uçuş həyata keçirən şirkətlər ilə sürətli hərəkət etməyə öyrəşiblər. Bu səbəbdən alternativ həll yolu sürət baxımından geri qalmamalıdır. Yüksək sürətli qatarlar hələ ki, bu problemə də yaxşı variant kimi görünür.
Yeni sistemə keçid üçün ciddi səbəblər yoxdur
Qeyd edək ki, avropada artıq bu növ sistemlərin uğurla həyata keçirilmiş nümunələri var. Lakin onlar yalnız yerli xətlər üçün istifadə edilir. Əsas çətinlik isə bu tip yüksək sürətli qatar sistemlərini vahid şəbəkədə birləşdirməkdir. Transsərhəd bürokratiya, yüksək xərclər və tələbatın az olması kimi səbəblərin çətinliyindən söhbət gedir. Eyni zamanda pandemiya dövründə dəmir yolu ilə sərnişindaşıma ciddi şəkildə azalmışdır.
Yeni yüksək sürətli qatar sistemlərinin tələbatın yüksək olacağına dair ehtimallar var. Sadəcə, aşağı büdcəli uçuş təklif aviaşirkətlərdən imtina etmək yetərli səbəb lazımdır. Digər tərəfdən, avropa ittifaqının dövlətləri bu sistemi tətbiq etmək üçün bütün lazımı gücə malikdir. Ona görə yeni sistemə keçid edilməsi o qədər də çətin olmamalıdır.
