2024-cü ilin birinci yarısında Avropanın ən çox satılan avtomobilləri açıqlanıb və Dacia Sandero ən çox satılan model olmağı bacarıb. Ötən il zirvədə olan Tesla Model Y elektromobili isə siyahıda səkkzinci yerə qədər geriləyib.
Keçən il Tesla Model Y Avropanı ələ keçirərək qitədə ən çox satılan avtomobil modeli olmuşdu. 2024-cü ilin birinci yarısında elektriklə işləyən avtomobillərə tələbatın azalması ilə Model Y reytinqdə geriləyərək səkkizinci yerə düşüb. Avropa Birliyi və Böyük Britaniyanın satış məlumatlarına görə, Dacia Sandero yanvar-iyun dövründə 143.596 ədədlə ən çox satılan avtomobil olub. Sandero uzun müddətdir ki, Avropada ən populyar avtomobillər sırasındadır. Qiymətləri 11500 avrodan başlayan avtomobil sərfəli qiyməti ilə cəlbedici seçimdir.
Qeyd edək ki, ikinci yeri “Volkswagen Golf” tutub. 2024-cü ilin ilk yarısında 126.993 ədəd satış ilə bu model, 114.623 ədəd satan Renault Clio-nu qabaqlamağı bacarıb. Dördüncü yerdə 111 381 ədəd satışla Avropanın ən çox satılan yolsuzluq avtomobili Volkswagen T-Roc qərarlaşıb. Reytinqdə səkkizinci yerə enən Tesla Model Y 101 181 ədəd satış rəqəmi ilə ən çox satılan elektrik avtomobili adını qoruyub saxlamağı bacarıb. Bundan əlavə, Model Y-nin siyahıdakı digər modellərdən xeyli baha olduğunu nəzərə alsaq, nəticələrin heç də pis olmadığını deyə bilərik.
2024-cü ilin yanvar-iyun aylarında Avropada ən çox satılan modellər
Dacia Sandero: 143,596
VW Golf: 126.993
Renault Clio: 114.623
VW T-Roc: 111.381
Peugeot 208: 107 097
Skoda Octavia: 102.945
Citroen C3: 102.304
Tesla Model Y: 101,181
Toyota Yaris Cross: 99.694
Toyota Yaris: 93,576
