Xiaomi 2021-ci ilin may ayında 200 vt simli və 120 vt simsiz HyperCharge texnologiyasını elan etdi. Hələlik 120 Vt simsiz şarj texnologiyası ilə bağlı heç bir yenilik olmasa da, görünür, Firma tezliklə 200 vt kabelli hyperCharge texnologiyası ilə yeni smartfon təqdim edə bilər. Bunun səbəbi, Xiaomi-nin 200 vt şarj cihazı ilə bağlı Çinin 3C orqanından icazə almasıdır.
MDY-13-EU model nömrəli yeni güc adapteri Çinin 3C tənzimləmə agentliyi tərəfindən sertifikatlaşdırılıb. Sertifikat göstərir ki, yeni Xiaomi şarj adapteri 20V/10A (200W) maksimum doldurma sürətini dəstəkləyir. Sertifikat şirkətin yaxın həftələrdə 200 Vt sürətli enerji doldurma dəstəyi ilə telefon təqdim edə biləcəyinə dair yaxşı bir ipucudur.
Şirkətin 200 vt HyperCharge texnologiyası smartfonu 10 dəqiqədən az müddətdə doldurmağı vəd edir. Ötən ilin ortalarında Xiaomi, 4000 mAs batareyaya sahib olan prototip Xiaomi Mi 11 Pro modelində 200 Vt şarj həllini nümayiş etdirmişdi. 200 Vt gücündə olan şarj cihazı 4000 mAs batareyaya malik smartfonu 3 dəqiqəyə 50% qədər enerji ilə doldura bilir, tam doldurulması isə 5 dəqiqə çəkirdi.
Keçən ilki Xiaomi MIX 4 120 vt şarj dəstəyi daşıyırdı. Belə ki, Xiaomi-nin bu ilin ikinci yarısında Xiaomi MIX 5 flaqman telefonunu təqdim edəcəyi gözlənilir. Sertifikatlar isə MIX 5 modelinə işarə edir, amma bu cihazın 200 vt HyperCharge texnologiyası ilə təklif olunub-olunmayacağı hələ dəqiq deyil. Əgər doğru olarsa iQOO tərəfindən təqdim ediləcək 200 vt texnologiyasına sahib smartfonla MIX 5 mükəmməl rəqabət yaradacaq.
Şirkətin 200 vt sürətli şarj dəstəyi haqqında nə düşünürsünüz? Fikirlərinizi aşağıdakı şərh bölməsində bizimlə bölüşə bilərsiniz.
