Hər bir ölkədə hansı sosial media saytlarının ən aşağı reytinqə malik olduğunu öyrənmək üçün Google Play Store-da 1500 populyar tətbiqin rəyləri müqayisə edilib. Belə ki, yeni bir araşdırmada dünyada ən az və ən çox sevilən sosial media tətbiqləri ortaya çıxarılıb. Araşdırma üçün e-poçt izləmə xidməti Mailsuite, Google Play Store-da 1500 tətbiqin rəyini nəzərdən keçirərək müqayisə edib. Facebook 39 ölkədə ən çox nifrət edilən sosial media proqramı kimi ən aşağı reytinqli platforma olub.
Facebookun dərhal arxasında isə 30 ölkədə ən pis reytinqli proqram kimi qiymətləndirilən Reddit mikrobloq platforması dayanır. Araşdırmaya görə, TikTok dünyada ən sevilən tətbiq olub və ümumilikdə 30 ölkədə birinci yerdə qərarlaşıb. Sosial media nəhənginə məxsus Facebook, Instagram və Threads ən çox nifrət edilən saytların ilk beşliyinə daxil olub. Facebook xüsusilə Cənubi Amerikada nifrətlə qarşılanır. Yalnız dörd ölkə Facebook-dan başqa istənilən platformanı ən az sevimli platforma kimi sıralayıb. X dünyanın 10 ölkəsində ən az sevilən proqram olub və ən çox nifrət edilənlər siyahısında üçüncü yeri tutub.
Avropanın əksəriyyəti isə Reddit-i ən çox nifrət edilən sosial media saytı kimi sıralayıb. Almaniya, Fransa, İspaniya və İsveç də daxil olmaqla 30 ölkə Reddit-ə bütün sosial media saytları arasında ən aşağı balı verib. TikTok 2018-2022-ci illər arasında hər il dünyada ən sevilən proqram olsa da, 2023-cü ildə Instagram onu qabaqlayıb. Həmin il TikTok 733 milyon dəfə, Instagram isə 767 milyon dəfə endirilib. Bu qəfil dönüşün ən böyük səbəbi TikTok-un qısa video formatını təqlid edən Instagram Reels funksiyasının tətbiqi olub. Bununla belə, bu addım Instagram-ı reytinqdə yüksəltmək üçün kifayət etməyib.
Ölkəmizdə isə vəziyyət biraz daha fərqlidir. Belə ki, ölkəmizdə ən az sevilən sosial media platforması X yəni əvvəlki adı ilə Twitter olub. Bununla yanaşı ən çox sevdiyimiz proqram Instagram-dır. Qeyd edək ki, Türkiyədə də ən az sevilən proqram X olub. Lakin bizdən fərqli olaraq Türkiyədə ən çox sevilən proqram TikTok olub.
