Amerika Neyrologiya Akademiyasının son araşdırması, astronavtların uzun kosmik uçuşlar zamanı migren daxil olmaqla müxtəlif baş ağrıları ilə qarşılaşa biləcəyini, hətta əvvəllər bu xəstəliklərlə əlaqəli heç bir simptom olmadığını göstərir. Tədqiqat, xüsusilə çəkisizlik şəraitində kosmik səyahətin insan orqanizminə təsirini vurğulayır. Ümumiyyətlə, kosmosda yerin cazibə qüvvəsi olmadığından insan orqanizmi müxtəlif təsirlərə məruz qalır. Bunlardan ən önəmlisi isə insanların kosmosda hərəkət etmə qabiliyyətləri tamamilə dəyişir. İndi isə ortaya çıxıb ki, kosmosda olan astronavtlarda müxtəlif baş ağrıları birdən birə meydana gəlir.
Hollandiyadakı Leiden Universiteti Tibb Mərkəzindən olan Dr. Oosterhou rəhbərliyində aparılan bir araşdırma, eyri-standart cazibə qüvvəsi kimi bənzərsiz kosmik uçuş şərtlərinin müxtəlif bədən funksiyalarına təsir edə biləcəyini və baş ağrıları ilə nəticələnən bəzi problemlərə səbəb olan kəllədaxili təzyiqin artmasınına səbəb ola biləcəyini göstərir. Tədqiqatda ESA yəni Avropa Kosmik Agentliyi, NASA yəni Milli Aviasiya və kosmos İdarəsi və ЈАХА yəni Yaponiya aerokosmik tədqiqat agentliyi daxil olmaqla kosmik agentliklərdən 24 astronavt iştirak etmişdir.
2011-ci ilin Noyabr ayından 2018-ci ilin iyun ayına dək 26 həftə ərzində astronavtlar Beynəlxalq Kosmik Stansiyaya ekspedisiyalarda iştirak ediblər. Yekunda isə nəticələr göstərib ki, 24 astronavtdan 22-i kosmosda baş ağrıları ilə üzləşib. Cəmi 3596 gün ərzində kosmosda 378 baş ağrısı qeydə alınıb. Maraqlısı budur ki, iştirakçıların 92%-i kosmos missiyası zamanı baş ağrısı ilə qarşılaşıb. Tədqiqat, kosmik uçuşun ilk həftəsində baş ağrısının daha da şiddətləndiyini və migrenin daha çox yayıldığını göstərib.
