Smartfonlarda ötən illərdə gördüyümüz ən məşhur trendlərdən biri arxa qapağın açılmasının ləğvi idi. Beləliklə daha dayanıqlı, daha böyük həcmli və daha sadə üsullarla yeni nəsil batareyalar cihazlara quraşdırılırdı. İndi isə yeni trend SIM yuvasının ləğvi cəhətdən yaşanır. Çünki, bazara istiqamət verən Apple şirkəti iPhone 14 seriyasında SIM yuvasını ləğv edib. Həmin addımdan sonra əminliklə deyə bilərik ki, bir çox şirkət SIM yuvasının ləğvi barədə düşünür. Hətta deyəsən, Samsung şirkəti bir addım da qabağa gedərək flaqman modellərində nəinki SIM yuvasını, düymələri belə ləğv etməyi planlaşdırır.
İddialara görə Samsung flaqman modellərində düymələri ləğv etməyi yubiley smartfonu üçün nəzərdə tutub
Sammobile istinadən verilən və Koreya mənşəli bir tviter istifadəçisindən gələn məlumata görə Samsung şirkəti bu mövzuda işlərə başlayıb. İddialara görə Samsung, ən azından Galaxy S25 seriyası, yəni yubiley modeli üçün fiziki düymələrin ləğvi üçün çalışır. Qarşıdan gələn yaxın tarixli Galaxy S və Galaxy Z seriyası modellərdə bu yeniliyin hələ ki, tətbiq edilməsi tam hazır olmadığı üçün mümkün olmayacaq.
Üstəlik bu faktı təsdiqləyən nüanslardan biri də KT Corporation (Cənubi Koreyada telekommunikasiya şirkəti) ilə bununla bağlı əməkdaşlıq edildiyi iddialarıdır. Bildirilir ki, Amerikadakı iPhone modellərində SIM yuvası necə olmayıb qlobal bazar üçün olan variantında quraşdırılırsa, Cənubi Koreya üçün KT Corporation əməkdaşlığında heç bir fiziki düymələri olmayan smartfonlar hazırlanıb, qlobal bazarda vəziyyətdən aslı olaraq fiziki düymələr saxlanıla bilər.
Nəticədə belə iddiaların iPhone təqdimatından sonra ortaya çıxması bizim üçün gözlənilən idi. Çünki, Samsung şirkəti kimi digər böyük istehsalçılar Apple SIM yuvasını ləğv etdikdən sonra, yalnız fiziki düymələri SIM yuvası ilə birlikdə ləğv edərək diqqət çəkə bilərlər. Ona görə də deyilənlərin doğru olma ehtimalı böyükdür. Bundan əvvəl Huawei şirkəti Mate 30 Pro modelində fiziki səs düymələrini ləğv etmişdi. Həmin model istinadən deyə bilərik ki, yaxşı sazlanmamış proqram təminatı ilə fiziki düymələrin ləğvi istifadə üçün çətinliklər yarada bilər.
