Son dövrlərin inqilabi yeniliklərindən biri hesab olunan süni intellekt ilə insanlar arasındakı əsas fərq zarafat edə bilmək bacarığıdır. Belə ki, hazırda bir çox aparıcı texnoloji şirkət daha yumoristik çatbotlar yaratmaq üçün çalışırlar. DeerMind tədqiqatçıları bugünkü süni intellekt modellərinin yaradıcı məzmun yaratmağa qadir olub olmadığını araşdırıblar.
Bu ayın əvvəlində nəşr olunan bir məqalədə DeerMind tədqiqatçıları 20 peşəkar komediyaçıdan zarafatlar yazmaq üçün çatbotlardan istifadə etdikləri təcrübələri ilə bağlı müsahibə götürüblər. Maraqlısı budur ki, Komediyaçılar süni intellekt zarafatlarını yöndəmsiz, qeyri-orijinal hesab edirlər. Onların sözlərinə görə, süni intellekt 1950-ci illərdə qalan komediya materiallarından istifadə edir və daha çox irqçiliklə bağlı zarafatlar edir.
Müsahibə zamanı komediyaçılar bildirib ki, bu iş tamamilə insan fəaliyyətinin nəticəsidir. Yəni, süni intellekti insanlardan fərqləndirən xüsusiyyətlərindən biri də zarafat etmə qabiliyyətidir. İnsanlar zarafat edərkən öz şəxsi təcrübələrindən və sosial baxışlarından misal gətirir və onlardan faydalanırlar. Süni intellekt isə əsasən internetdən məlumat əldə etdiyi üçün bu kimi xüsusiyyətlərə sahib ola bilmir. DeerMind, inkişaf etmiş bir zehnin yumor hissi ilə maraqlanan yeganə şirkət deyil. Xatırladaq ki, Elon Musk-ın xAI şirkəti də Grok süni intellektini daha əyləncəli bir süni intellekt çatbotu etməyə çalışır. Keçən həftə Anthoris Claude 3.5 Sonnet adlı yeni süni intellekt modelini təqdim edib. Şirkətin bildirdiyi məlumata görə süni intellektin təkmilləşdirmələri arasında daha yaxşı yumor bacarığı mövcuddur.
