Google şirkəti bu il sonlanmadan çıxardığı yeniliklərin sayını dayanmadan artırmağa davam edir. Belə ki, texnologiya nəhəngi şirkət YouTube platformasına uzun müddətdir gəlməli olan bir yeniliyi əlavə edəcək. Söhbət başlıqdan da gördüyünüz kimi “səsli subtitr” xüsusiyyətindən gedir. Bu yenilik istifadəçilərin videolardakı əcnəbi dilləri öz dillərində səsli olaraq tərcümə edilmiş şəkildə dinləməyə imkan verəcək. Şirkət tərəfindən verilən məlumata görə səsli subtitr əlavə etməyə yarayan yeniliyin əsas məqsədi YouTube tətbiqi üzərindən fəaliyyət göstərən onlayn kurslara dəstək vermək olacaq. Lakin məzmun yaradıcıları bu imkandan fərqli məqsədlər üçün də istifadə edə bilməlidirlər. Bu xüsusiyyət hələ ki, ötən gün reseptlərin Google Lens ilə işləməsində olduğu kimi, Hindistandakı istifadəçilər üçün aktiv ediləcək.
YouTube tətbiqinə gələn tək yenilik isə səsli subtitr olmayacaq. Bundan sonra YouTube tətbiqi, hər hansı bir video daxilində səslənən müəyyən sözü axtarıb tapmağı mümkün edəcək. Yeni “Search in video” düyməsi ilə spesifik bir sözü cümlənin daxilində axtarıb tapa, hətta deyəsən aşağıdakı tvit nəzərən mətnləri belə çıxara biləcəksiniz.
Bu xüsusiyyət, əslinə qalsa çox da yeni bir şey deyil. Çünki, tətbiqin kompüter üçün olan versiyasında subtitrla yaradılan cümlələrdən, uyğun sözləri seçərək axtarmaq əvvəlcədən mümkün idi. Lakin bu üstünlük mobil cihazlarda olmadığından, əsas faydalanan tərəf iOS və Android istifadəçiləri olacaq.
Mövzunun sual altında qalan tərəfi isə “səsli subtitr” yeniliyinin tam olaraq necə işləməsi ilə bağlıdır. YouTube platformasına video ilə birlikdə əlavə səs yazılarının məzmun yaradıcısı tərəfindənmi yüklənəcəyi naməlumdur. Ola bilsin Google süni intellektinin səsli olaraq dəstəkləndiyi dillərdə “səsli subtitr” avtomatik olaraq yaradıla bilər. Lakin belə olması dəstəklənməyən dillər üçün bəzi çətinliklər yaradacaq.
