Reuters-in New York Times-a istinadən verdiyi məlumata görə, Meta Avropa İttifaqında (Aİ) yaşayan istifadəçilər üçün Facebook və Instagram-ın reklamsız ödənişli versiyalarını təklif etməyi düşünür. Lakin bu abunəlik əvvəlkindən fərqli olacaq. Abunə haqqını ödəyənlər reklam görməyəcək, Meta isə Aİ-də tətbiqlərinin reklamsız versiyalarını təklif etməyə davam edəcək. Bu məlumat Meta-nın planlarından xəbərdar olan üç mənbə tərəfindən də təsdiqlənib.
Bu yenilik Meta-a məxfilik problemləri və digər Aİ yoxlamaları ilə mübarizə aparmağa da kömək edə bilər. Çünki bu, istifadəçilərə insanların məlumatlarını təhlil etməyə əsaslanan şirkətin reklam xidmətlərinə alternativ kimi də təklif edilir. Meta Aİ-nin antiinhisar tənzimləyicilərinin diqqət mərkəzində olub, Rəqəmsal Bazarlar Aktı çərçivəsində iyul ayında icazəsiz istifadəçi məlumatlarının toplanmasına qadağa qoyan 2019-cu il Alman tənzimləməsinə qarşı mübarizəni itirib. Tətbiqlərin pullu versiyalarının neçəyə başa gələcəyi hələlik bəlli deyil.
Böyük bir ehtimalla mavi təsdiq nişanının satılmasına bənzər bir şəkildə təqdim ediləcək yenilik, heç bir gözləmə müddəti olmadan hamının istifadəsinə açılacaq. Lakin bu yenilyin ən tez növbəti ilin əvvələrindən tətbiq edilməsi ehtimal olunur. Meta şirkəti ödənişli mavi təsdiqləmə nişanı ilə ciddi qazanc əldə etdikdən sonra, böyük bir ehtimalla bu xüsusiyyət də şirkətə gəlir qazandıracaqdır. Lakin potensial relam verənləri baltalayacaq proses, reklamların effektivliyini aşağı salıb şirkətə əlavə çətinliklər də yaşada bilər.
