Xiaomi brendi artıq yeni flaqman 14 Pro modelini təqdim etməyə hazırlaşır. Belə ki, smartfonun təqdimatına sayılı günlər qalan onun ekran xüsusiyyətləri də ortaya çıxıb. Beləliklə yeni Xiaomi 14 Pro flaqman modeli sələfindən daha yüksək ekran xüsusiyyətləri ilə qarşımıza çıxacaq. Hətta yeni flaqman modelin ən nazik çərçivəyə sahib smartfon rekordunu qıracağı da gözlənilir. Bundan əlavə smartfonun Apple şirkəti kimi, titan korpusdan istifadə edəcəyi də gözləntilər arasındadır.
Ümumiyyətlə son aylarda Xioami 14 Pro barədə ortaya çıxan məlumatların sayı-hesabı yoxdur. Onlardan bir çoxu saxta olsa da, bəziləri də məşhur analitiklər tərəfindən ortaya çıxarılır. Bunlardan biri də Xiaomi 14 Pro modelinin ekran xüsusiyyətləridir. Belə ki, yeni flaqman smartfonun ekran parlaqlığı 3000 nitə çatacaq. O cümlədən cihazda ekranın hər iki tərəfində sadəcə 1 mm-lik çərçivələr olacağı bildirilir. 3000 nit parlaqlıq da xiaomi üçün yeni bir rekord olsa da, bu göstəricinin gündəlik istifadə üçün nə qədər əlverişli olacağı sual altındadır.
Bundan əlavə yeni flaqman model Samsung istehsalı olan ekran əvəzinə TCL CSOT-un C8 adlı ən son AMOLED panel ilə təchiz ediləcək. O cümlədən smartfonun ekranı 2K təsvir ölçüsünə və 6.7 dümlük ölçüyə malik olacaq. 120 Hz ekran yenilənmə tezliyi və Gorilla Glass Victus 2 əsas xüsusiyyətlər arasındadır. Kamera tərəfində bizləri Xiaomi və Leica əməkdaşlığının ortaq kamerası qarşılayacaq və smartfon Snapdragon 8 gen 3 ilə təchiz ediləcək.
