Yeni Arma Reforger oyunu barəsində Bohemia İnteractive şirkəti rəsmi youtube hesabında video paylaşıb. Belə ki, paylaşılan videoda 2001-ci ildə bazara daxil olmuş Arma oyununun inkişaf prosesi təqdim edilib. Videonun sonunda isə yeni Arma oyununun adı açıqlanıb.
Yeni Arma Reforger oyunu hansı yeniliklərə malikdir?
Bohemia İnteractive şirkətinin paylaşdığı video 2001-ci ildə Operation Flashpoint: Cold War adı ilə şikrətin bazara çıxardığı oyun ilə başlayır. Yekunda isə yeni Arma oyunu olan Arma Reforger ilə bitir.Yeni Arma oyununun hekayəsi Arma 1 oyununda olduğu kimi Atlantik adasında baş verir.
Yeni Arma oyunu Arma 3 və digər arma oyunlarından fərqli olaraq daha real qrafiklərə və axıcı animasiyalara malikdir. Bunun əsas səbəbi isə Enfusion oyun motorudur. Şirkət uzun müddətdir ki, bu oyun motorunun üzərində işləyir. Yeni oyunun yeniliklərindən biri də nəqliyyat vasitələridir. Belə ki, onlar heyrətamiz dərəcədə təkmilləşdirilib. Reforger oyunun hekayəsi də oyun həvəskarları tərəfindən bəyənilib.Hətta hazırkı dövrə qədər olan ən maraqlı hekayə hesab edilir.
Arma 4 oyunu nə zaman təqdim ediləcək?
Arma oyununun həvəskarları 2013-cü ildə təqdim edilmiş Arma 3 oyunundan sonra böyük həvəslə Arma 4 oyununu gözləyirdi. Lakin Bohemia-nın paylaşdığı rəsmi videoda yeni Arma oyununun məhz Arma Reforger olduğu məlum oldu.Hətta paylaşılan video Road to Arma 4 yəni, Arma 4 -ə gedən yol adlandırılıb.Bəzi oyun həvəskarları Arma Reforgeri Arma 4 adlandırsada bu doğru deyil.Arma 4 oyunu haqda heç bir məlumat paylaşılmayıb və oyunun 2024 və ya 2025 ci ildə təqdim ediləcəyi təxmin edilir.
Bu oyununu oynamaq üçün sizin kompüterinizin minimum bu parametrlərə ehtiyyacı var:
- Intel Core i5 4 cü nəsil və ya Amd Fx-4300 prosessoruna
- 8 GB operativ yaddaşa
- Nvdia Geforce GTX 1650 və ya daha yüksək qrafik kartına
- 15 GB yaddaşa ehtiyacı olacaq.
Yeni Arma oyunu hazırda Steam-də erkən giriş mərhələsindədir.Oyunun qiyməti isə 29.99$ təşkil edir.Əgər siz Arma 3 oyununu hələ oynamamısınızsa onda Arma Reforger və Arma 3 oyununu birlikdə əldə etmək üçün Arma Veteran paketini əldə edə bilərsiniz.Paketin qiyməti isə Steam-də 219.96$ təşkil edir.
