Android 14 əməliyyat sistemi barədə hələ də yeni məlumatlar ortaya çıxır. Belə ki, yeni məlumata görə Android 14 əməliyyat sistemi smartfonları heçbir əlavə tətbiqə ehtiyac duymadan veb-kameraya çevirəcək. Əslində smartfonları hazırda da veb-kameraya çevirmək olur. Lakin bunun üçün istifadəçilər smartfonlarına üçüncü tərəf proqramları yükləməli olur. İndi isə bu problem də aradan qalxacaq. Qeyd edək ki, yenilik artıq Beta versiyada görünüb.
Google Pixel smartfonları üçün buraxılan Android 14 QPR1 Beta 1 versiyasında smartfonları rahatlıqla veb-kameraya çevirmək mümkündür. İstifadəçilər bu funksiyadan istifadə etmək üçün smartfonlarını ya masaüstü ya da noutbuka qoşmalıdırlar. Daha sonra isə smartfonun USB bağlantısı pəncərəsindən bu funksiyanı aktivləşdirmək lazımdır. Maraqlısı budur kİ, istifadəçilər smartfonun hansı kamerasını veb-kamera kimi istifadə edəcəklərini seçə biləcəklər. Hazırda bu funksiya Pixel Fold istisna olmaqla bütün flaqmn Google Pixel cihazları tərəfindən dəstəklənir
Bu funksiya bir çox istifadəçilər üçün çox faydalı olacaq. Çünki hazırda müasir smartfonların hamısı yüksək keyfiyyətli kameralara sahibdir. Android 14 əməliyyat sisteminə sahib olacq bu flaqman modellər kompütetlərin keyfiyyətsiz veb-kameralarını əvəzləməklə istifadəçiləri əlavə dərddən qurtaracaq. Düzdür funksiyanın aktivləşdirmək üçün smartfonunuzu kabel ilə kompüterinizə qoşmalı olsaz da, yekudna yüksək keyfiyyətli kameraya sahib olacaqsınız. Apple modellərindən istifadəçilər iPhone-larını Macbook-a simsiz olaraq qoşaraq veb-kamera kimi istifadə edə bilir. Lakin Android 14 sisteminə əlavə ediləcək bu funksiya USB Video Class standartına əsaslandığı üçün Windows, ChromeOS, Linux və Mac daxil olmaqla bütün sistemlərdə rahatlıqla işləyə biləcək.
