Ötən günlərdə təqdim edilən iPhone 15 modelləri barədə hələdə yeni məlumatlar ortaya çıxır. Belə ki, Apple şirkətinin yeni modellərini USB-C ilə təchiz etməsi smartfonların hərtərəfli inkişaf etməsinə səbəb olub. Hətta smartfonların şarj sürətindən əlavə daha bir çox xüsusiyyətləri də inanılmaz dərəcədə sürətlənib. Sanki, Apple iPhone 15 modelinin USB-C ilə zəncirlərini qoparıb və yeni smartfonun performansı həqiqətən də sərhəd tanımır. Yeniliklərdən biri də budur ki, iPhone 15 modelləri artıq Ethernet dəstəyi ilə yüksək sürətli internet təmin edə bilir. Təbii ki, bu yenilyində ən başlıca səbəbi USB-C girişidir. Çünki USB-C-ni Ethernet-ə çevirə bilən kabel ilə smartfon bir növ router rolunu oynaya bilir.
Ümumiyyətlə iPhone 15 modelləri çox güclü internet bağlantısına sahibdir. Belə ki, smartfon sələfindən bu cəhətdən də əhəmiyyətli dərəcədə fərqlənir. İşin içinə, iPhone 15 və Ethernet kabeli daxil olarsa orada yüksək sürətli internet olması qaçınılmaz olur. Maraqlısı budur ki. istifadəçilər bu xüsusiyyətin evdəki WiFi-dən daha sürətli olduğunu bildirir. Qeyd edək ki, bu xüsusiyyət barədə məlumat Apple şirkətinin dəstək pəncərəsində də açıq şəkildə ifadə olunub. İndi gəlin görək bu xüsusiyyət necə işləyir?
Qeyd edək ki, USB-C ilə Ethernetə qoşulduqda IP barəsində olan məlumatlar və müxtəlif konfiqurasiya seminləri Parametrlər proqramında yer alır. Məhz bundan sonra ediləcək tək şey yüksək sürətli və kəsintisiz internetin həzzini çıxarmaqdır. Bəzi istifadəçilər sürət testində 932 Mbps ilə ən yüksək həddə çata bilib. Onu da qeyd edək ki, iPhone 15 modelindən fərqli olraq iPhone 15 Pro modeli USB 3 dəstəklidiyi üçün bu göstərici daha çox ola bilər.
