Nvidia GeForce RTX 40 seriyası təqdim edildi!

Təqvim 19 sentyabr tarixini göstərdiyi üçün 2 il sonra Nvidia GeForce RTX seriyasının yenilənmə vaxtı çatdı deməkdir. Bu gün keçirilən tədbirdə Nvidia şirkəti RTX 40 seriyasını təqdim etdi. Lakin gözləniləndən fərqli olaraq RTX 4070 modeli göründüyü qədərilə ləğv edilərək RTX 4080 seriyasına birləşdirildi. Bu necə oldu desəniz, RTX 4080 qrafik kartı 2 fərqli variantda təqdim edildi. Şirkət normal RTX 4080 modelinin həm 16 GB GDDR6X VRAM ilə təchiz edilən həm, 12 GB GDDR6X VRAM ilə təchiz edilən variantını anons etdi. RTX 4090 modeli isə heç bir dəyişiklik edilmədən qarşımıza çıxarıldı.

RTX 40 seriyası aşağısına DLSS 3 gəlməyəcək

Performans olaraq xüsusilə RTX 4080 16GB ekran kartı DLSS 3 açıq olduğu halda RTX 3080 Ti ilə müqayisədə 2 qat yüksək performans verir. Lakin daha az enerji sərf edərək RTX 3090 Ti ilə eyni nəticə göstərir. DLSS 3 demişkən qeyd edək ki, DLSS 3 texnologiyasının əsasını RTX 40 seriyası Ada Optical Flow Accelerator texnologiyasına borcludur. DLSS nədir desəniz, görüntünü nöqtə-nöqtə işləmədən rəqəmsal olaraq süni intellekt texnologiya ilə yaradaraq gözlə görünən qədər itki olmadan FPS artırılmasını hədəfləyir deyə ifadə edə bilərik. DLSS 3 ilə birlikdə qrafik kartda Ada Optical Flow Accelerator adlı xüsusi komponent (nüvə) işlədildiyi üçün RTX 30 və aşağısına DLSS 3 dəstəyinin də gələcəyi gözlənilmir. Nəticədə bəzən görüntülərin korlanması problemi DLSS 3 ilə verilən texniki dəstəklə birlikdə həll olsa da köhnə ekran kartları DLSS 2 ilə davam etməyə məcbur olacaq.

Nvidia şirkətinin RTX 40 seriyası qrafik kartlarının hər birində TSMC-nin NM4 4nm texnoloji prosesi istifadə olunur. RTX 4090 qrafik kartı barədə danışsaq 3090 Ti ilə müqayisədə 2-4 qat daha yüksək performans göstərir. 24GB GDDR6X VRAM ilə təchiz edilib və 16384 CUDA nüvəsinə sahibdir. 76 milyard tranzistora malik bu ekran kartı standart vəziyyətdə 450 Vt TGP dəyərinə sahibdir. Lakin 660 Vt-a qədər yüksələ biləcəyi bildirilir. RTX 4080 16GB üçün bu dəyər maksimum 516 Vt-a qədər (320 Vt standart), RTX 4080 12G üçün 366 Vt-a qədər yüksələcək (285 Vt standart). RTX 4080 16GB modeli 9728 CUDA nüvəsinə sahib olarkən, RTX 4080 12GB modelində 7.680 CUDA nüvəsi mövcuddur.

Xüsusilə RTX 4090 modelində nüvələrin sayında 56% artımdan əlavə, işıq izləmə texnologiyasında da dördüncü nəsil Tensor nüvələri ilə birlikdə 76% yaxşılaşdırma qeydə alınıb. Təqribi olaraq işıq izləmə performansı RTX 3090 Ti ilə qarşılaşdırdıqda 78 TFLOPS dəyərlərindən 191 TFLOPS-a qədər yüksəlib. Əlavə olaraq AV1 formatında 8K keyfiyyətli 60FPS videoların işlənməsi üçün 16 pinlik konnektorla da təchiz edilib.

Qiymət və ümumi başlıca texniki xüsusiyyətlər

Təbii ki, Nvidia şirkətinin bütün yenilikləri bununla bitmir. Ekran kartı dedikdə çoxunuzun ağlına oyunlar gəlsə də şirkət hal-hazırda inanılmaz dərəcədə müxtəlif sahələri əlinə toplayıb. Drive Thor SoC adlı xüsusi avtomobil platforması da bu gün keçirilən təqdimatda təqdim edib. Xüsusilə Mercedes ilə aparılan video testlər nümayiş etdirilərək Drive Thor SoC üzərinə qurulmuş avtomobilin multimedia, idarəetmə paneli, avtonom idarə sistemi və.s olmaqla hər şeyin bu platforma ilə idarə olunduğu göstərilib. Linux, QNX və Android əməliyyat sistemlərini eyni anda işlədə bilən Drive Thor adlı möhtəşəm güclü platforma 2025-ci ildən etibarən bir çox avtomobillərin “beynini” formalaşdıracaq.

Şirkətin 10 il əvvəl süni intellektə və maşın öyrənməsinə etdiyi yatırımlar bu gün keçirilən təqdimata görə avtonomlaşdırılmış bir çox sahədə Nvidia texnologiyalarının işlədilməsinə ciddi şərait yaradıb. Sağlamlıq sektoru, avtonom robotlarla işləyən fabriklər, logistika sektoru, avtonomlaşdırılmış anbarlar, film sektoru, mühəndislik və memarlıq sektoru və.s olmaqla inanılmaz dərəcədə çeşidli yerlərdə Nvidia texnologiyalarının işlədildiyini söyləyə bilərik. Yəni şirkət bu gün RTX 40 seriyasını təqdim etsə də, qrafik kart istehsalçısı olmaqdan əlavə ağlasığmaz dərəcədə böyük qüvvəyə malikdir.