Bu yaxınlarda təqdim edilməsi gözlənilən Xiaomi Civi 3 modeli qeydiyyatdan keçirilərlən bəzi xüsusiyyətləri məlum olub. Xiaomi brendinin uzun müddətdir ki, gözlənilən modeli sələfindən daha çox performans verəcək. Ümumiyyətlə Xiaomi Civi seriyalı modellərin əsas hədəfi qadın alıcılara yönəldiyindən, cihaz yüngül çəkiyə, zərif dizayna və keyfiyyətli selfie kamerasına sahib olacaq.
Xiaomi Civi 3 sələfindən necə fərqlənəcək?
Yaxın günlərdə təqdim edilməsi gözlənilən smartfonun ortaya çıxan məlumatlarına əsasən Civi 3 12-512GB yaddaş ilə təklif ediləcək. Bununla da Xiaomi istifadəçilərinə daha yüksək performans təklif edir. Qeyd etdik ki, Xiaomi Civi modellərinin ən önəmli xüsusiyyətlərindən biri keyfiyyətli selfie kameralarına sahib olmasıdır. Xiaomi yeni Civi modelini də 2 ədəd 32 MP selfie kamerası ilə təchiz etməyi planlayır. Xiaomi Civi 2 modelinə olduğu kimi, yeni modeldə də ön tərəfdə flaş quraşdırılacaq. Qeyd edək ki, bu kameralar müxtəlif filterlər, VLOG modu kimi xüsusiyyətlərə sahib olacaq. Yeni smartfonun ən böyük inkişafı məhz prosessor tərəfində olacaq. Belə ki, yeni Xiaomi Civi 3 modeli sələflərindən fərqli olaraq Dimensity 8200 ilə təchiz ediləcək. Xatırladaaq ki, digər Xiaomi Civi modellərində Snapdragon 778G+ və Snapdragon 7 Gen 1 prosessorları istifadə edilmişdir. Əslində Dimensity 8200 prosessoru elə də flaqman performansa malik olmasa da, gündəlik işlər, VLOG videoları çəkmək və oyun üçün idealdır.
Yeni Civi 3 modelinin 6.55 düymlük ekran paneli FHD+ təsvir ölçüsünə və 120 Hz yeniləmə tezliyinə sahib ola bilər. Batareya tərəfində isə smartfoun 67 Vatt sürətli şarj dəstəkləyən 4500 mAs həcmli batareya ilə təchiz edilməsi gözlənilir. Xiaomi Civi 3 modelinin digər maraqlı xüsusiyyəti də məhz 5G texnologiyası ilə bağlıdır. Hətta insayderlər bu yeniliyi Xiaominin gizli silahı da adlandırır. Qeyd edək ki, yeni texnologiya ilə istifadəçilər 5G şəbəkəsinin əhatə dairəsində olmasa belə rouminq vasitəsi ilə başqa operatorun 5G şəbəkəsinə daxil ola biləcək. Bununla da yeni Civi 3 modeli daim 5G şəbəkəsinə qoşula biləcək. Yeni smartfon barədə daha ətraflı məlumat may ayının sonlarında keçirilməsi gözlənilən təqdimat tədbirində məlum olacaq.
