Smartfon bazarının aparıcı adlarından biri olan Xiaomi şirkəti, Xiaomi 14 seriyası üçün hazırlıqlara başlayıb. Belə ki, bir müddətdir Xiaomi 14, 14 Pro və 14 Ultra haqqında bəzi məlumatları eşidirdik. Nəhayət, telefonların kamera dizaynı ilə bağlı mühüm detallar ortaya çıxdı. Bildiyimiz kimi Xiaomi 14 seriyasının sələfində istifadə edilən 1 düymlük sensorla müqayisədə 1,33 düymlük (diaqonal olaraq 4:3 düymlük) əsas sensorla təchiz ediləcəyi barədə şayiələr yayılmışdı. Lakin bu yenilik gələcək modellər üçün təxirə salına bilər. Yeni paylaşılan xəbərlərə görə, Xiaomi hələ də yeni sensor üçün araşdırma və inkişaf işini başa çatdırmayıb.
Ümumiyyətlə Xiaomi şirkəti Xiaomi 12S Ultra modelinin 1 düymlük Sony IMX989 əsas kamera sensoru ilə səs çıxarmağı bacarmışdı. Daha sonra isə bu dizaynın bir çox flaqman smartfonlarda, xüsusilə Xiaomi 13 Pro və Xiaomi 13 Ultra modellərində stifadə olunduğunun şahidi olduq. Görünən odur ki, bu sensor Xiaomi 14 seriyasında da qorunub saxlanılacaq. Bundan əlavə köməkçi sensor tərəfində əhəmiyyətli bir təkmilləşdirmə var. Belə ki, Xiaomi 14 Pro modellinin periskop sensorunun fokus uzunluğu 115 mm olan 5x optik böyütmə təklif edəcəyi bildirilir. Xiaomi 14 modeli isə 90 mm fokus uzunluğu ilə 3,9x optik böyütmə təklif edəcək.
Kamera dizaynına əlavə olaraq, Xiaomi 14 seriyasının öz gücünü Qualcomm Snapdragon 8 Gen 3 çipsetindən alacağı gözlənilir. TSMC-nin 4nm arxitekturası ilə yaradılan bu prosessor sələfi ilə müqayisədə 35 faizə qədər performans artımı təklif edəcək. Cari məlumata görə, Xiaomi 14 90 Vt-a qədər sürətli enerji doldurma, Pro modeli isə 120 Vt-a qədər sürətli enerji doldurma təklif edəcək. Batareya tərəfində hər iki model 5000 mAs batareya tutumuna sahib olacaq. Qeyd edək ki, Xiaomi 14 seriyası bu ilin sonuna doğru təqdim ediləcək.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
