Bəzən smartfonların yaşlı insanlar tərəfindən istifadə olunması çətin olur. Sharp brendi isə yaşlılar üçün xüsusi Basio Active 2 adlı smartfon təqdim edib ki, onu sabun və su ilə yumaq mümkündür. Hətta cihazı spirt tərkibli salfetlə belə sildikdə onun funksionallığı pozulmur. Yaşlı insanlar əsasən sensorlu smartfonlar istifadə etdikdə çətinliklə üzləşir. Buna görə də, yeni smartfon tamamilə sensorlu ekrandan ibarət deyil.
Qeyd edək ki, Sharp brendinin yaşlılar üçün nəzərdə tutulmuş Basio Active 2 adlı smartfonu HD+ təsvir ölçülü və 60Hz yeniləmə tezliyinə malik 5.7 düymlük ekrana sahibdir. Həmçinin, smartfon ekranının alt hissəsində zəngləri qəbul etmək, e-poçt göndərmək və Ev ekranı üçün 3 fiziki düymə mövcuddur. İstehsalçı vurğulayır ki, ekranda bütün mətnlər aydın görünür və hərflər, nişanlar, rəqəmlər olduqca böyükdür. Sharp həmçinin istifadəçi interfeysini bacardığı qədər sadə hala gətirib.
Bundan əlavə, arzuolunmaz insanlar dərhal bloklana bilər və ya onlar üçün robot səsli xüsusi cavab verən maşın açıla bilər. Məhz, belə bir funksiyanın əlavə edilməsi isə əsasən yaşlıların smartfonlar vasitəsilə fırıldaqçılara qurban getməsi olur. Sharp bunu da düşünərək, smartfonda naməlum nömrələrdən gələn zəngləri avtomatik yaza bilən daxili zəng qeydi proqram quraşdırıb. Kamera tərəfində isə smartfon 50MP əsas, 8MP selfie kamerasına sahibdir. Bir çox özünəməxsus funksiyaya sahib olan smartfon həmçinin 4000 mAs batareya həcminə və 4-64GB yaddaş seçiminə sahibdir. Smartfon hazırda Yaponiyada 41 800 yen (276 dollar) qiymətinə satılır. Onun digər ölkələrdə nə vaxt satışa çıxarılacağı isə hələlik bəlli deyil.
