Samsung brendi Galaxy Watch modelləri üçün yeni dördkünc ekranlı dizaynına geri qayıtmağı düşünür. Belə ki, Cənubi Koreyalı texnologiya nəhəngi Apple Watch modellərinə bənzər dizayn ilə yenidən qarşımıza çıxmaq istəyir. Ümumiyyətlə Samsung Galaxy Watch modelləri özünəməxsus yuvarlaq quruluşu ilə ağıllı saatlar arasında seçilirdi. Məhz bir çox texnologiya həvəskarı ağıllı saatları bu dizaynına görə üstün tuturdu.
Əslində Samsung ilk dəfə 2013-cü ildə Gear seriyalı modellərində dördkünc ekranlı ağıllı saat dizaynını sınamışdı. O dövrdə istədiyi uğura nail ola bilməyən Samsung, illər sonra yenidən bu dizaynı sınamaq istəyir. SamMobile adlı mənbə bildirir ki, Samsung uzun ildən sonra Galaxy Watch seriyasına düzbucaqlı displeyə malik ağıllı saat əlavə edəcək. Qeyd edək ki, texnologiya nəhəngi ilk dəfə Gear S2 modeli ilə yuvarlaq ağıllı saat dizaynına keçid etmişdi. Məhz o gündən bəri Samsung yalnız yuvarlaq dizaynlı ağıllı saatlar buraxmışdı.
Şirkət daxilindən sızan məlumata görə, Samsung bu barədə çox həyəcanlıdır. Yeni ağıllı saatın Galaxy Watch 7 kimi görünməsi ehtimalı var. Başqa sözlə, 2013-cü ildə olduğu kimi dairəvi formalı Galaxy Watch-un yanında alternativ düzbucaqlı dizayn olmaya da bilər. Ümumiyyətlə, Samsung və Apple ağıllı saat konseptinə liderlik edən şirkətlər arasındadır. Hətta ilk günlərdə Apple Watch və Galaxy Watch satışları bir-birinə yaxın idi. Apple Watch-un gündən-günə daha bacarıqlı olması və Apple ekosistemi ilə ən yaxşı uyğunluğa sahib olması Galaxy Watch satışlarına da təsir etdi.
