Volkswagen brendi elektrikli avtomobil bazarında istədiyi nəticəni əldə edə bilmir. Belə ki, alman avtomobil nəhəngi ötən günlərdə elektrikli avtomobil seriyası ilə bağlı yeni açıqlma elan edib. Beləliklə, Volkswagen tələb az olduğu üçün “Volkswagen ID” istehsalını Almaniyadakı əsas fabrikində ləğv edib. Qeyd edək ki, şirkət tamamilə elektrikli ID seriyasının istehsalını Almaniyadakı Wolfsburg fabrikində yəni əsas fabrikində davam etdirirdi. Lakin, ötən günlərdə alman avtomobil nəhəngi “xərcləyəcəyimiz hər avro dəyərlidir” deyərək istehsalı bu fabrikdə dayandırıb.
Ümumiyyətlə, Volkswagen ID seriyası alman avtomobil nəhənginin elektrikli avtomobil bazarında ilk böyük layihəsi idi. Həmçinin bu elektromobil seriyası Volkswagen-in ən çox satdığı modellər olaraq tanınırdı. Lakin, Volkswagen ID seriyasının istehsalı tədricən ləğv edilir. Qeyd edək ki, Almaniyadakı əsas fabriki olan Wolfsburgda istehsalı ləğv edən avtomobil nəhəngi elektrikli avtomobil seriyasının istehsalını tamamilə ləğv etmədi. Belə ki, istehsal Almaniyanın şərqindəki Zwickau şəhərində yerləşən elektrikli avtomobillər üzrə fokuslanan fabrikdə həyata keçiriləcək.
Alman avtomobil nəhəngi Wolfsburg fabrikində ID istehsalını dayandırdıqdan sonra isə əsasən daxili yanma mühərrikli və hibrid Golf və Tiguan modellərinin istehsalını davam etdirəcək. Şirkətn meneceri Christian Vollmer bildirir ki, “Bunlar fabrikin səmərəli işləməsini təmin edəcək etibarlı modellərdir”. Hətta Volmerr bu qərardan sonra uzun müddət ərzində ilk fədə bu il Wolfburg fabrikində istehsal olunan avtomobillərin sayının 500 mini ötəcəyinə inanır. Son dövrlərdə avropalı avtomobil nəhəngləri elektrikli avtomobillərə olan maraqlarını itiriblər. Daha əvvəl 2030-cu ilə qədər tamamilə elektrikli avtomobillər istehsalına yönəlmək istəyən brendlər artıq ənənəvi seriyalarına fokuslanır.
