OpenAI şirkəti iOS sistemi üçün ChatGPT tətbiqi təqdim edib, Android cihazlar üçün tezliklə təqdim ediləcəyi gözlənilir. ChatGPT gün keçdikcə təmilləşməyə davam edir. Belə ki, süni intellekt alətindən artıq tətbiq vasitəsi ilə istifadə etmək mümkündür. Qeyd edək ki, ChatGPT üçün yaradılan rəsmi iOS tətbiqindən bu günə qədər yalnız ABŞ-da yaşayan istifadəçilər istifadəçilər istifadə edə bilirdi. İndi isə tətbiq dünyanın bir çox ölkəsində istifadə olunacaq.
42 mb həcmində olan tətbiq pulsuz olaraq istifadəçilərə təqdim olunur. Belə ki, App Store mağazasından artıq tətbiqi yükləmək mümkündür. Maraqlısı budur ki, tətbiq reklamsızdır və səs yazmağa imkan verir. OpenAI şirkəti iOS üçün ChatGPT tətbiqi təqdim etdikdən sonra bildirdi ki, yaxın gələcəkdə Android üçün də oxşar tətbiq əlçatan olacaq. Lakin şirkət bildirib ki, Android üçün təqdim ediləcək tətbiq daha sadə interfeysə və daha az həcmə sahib olacaq. Qaranlıq rejimdə də istifadə edilə bilən model cihazlar arasında söhbətləri sinxronizasiya edə bilir. Həmçinin yeni tətbiq GPT-4 dil modelinə əsaslanır. Həmçinin qeyd edək ki, OpenAI daim GPT-4 dil modelini təkmilləşdirməyə davam edir. Məsələn keçən ay şirkət milyonlarla istifadəçisi olan ChatGPT üçün plagin dəstəyini elan etmişdi.
Əslində OpenAI şirkəti süni intellekt alətlərinin mobil cihazlar üçün tətbiq vasitəsi ilə təqdim edəcəyini bildirməmişdi. Məhz bu səbəbdən də şirkətin iOS cihazları üçün təklif etdiyi ChatGPT tətbiqi gözlənilməz oldu. Xatırladaq ki, ötən günlərdə süni intellekt alətinin internet bağlantısına qoşulacağı məlum olmuşdu. Belə ki, bu xüsusiyyət Beta versiyada istifadəçilər üçün təklif edilmişdi. Hətta yeni xüsusiyyət sınaq mərhələsində idi. Gün keçdikcə ChatGPT süni intellekt alətinin gələcəyi maraq doğurur.
