Son illərdə reklamları ilə insanları Premium abunəçi olmağa vadar edən, YouTube şirkəti Televizorlarda daha çox reklam göstərəcək. Belə ki, şirkət ötən günlərdə Nyu-York şəhərində keçirilən YouTube Broadcast tədbirində Smart TV istifadəçiləri üçün 2 vacib qərar elan edib. Onlardan biri məhz şirkətin yeni reklam siyasəti ilə bağlı idi. Ümumiyyətlə şirkət bildirir ki, reklam izləmək istəməyən istifadəçilər məhz Premium hesablara keçid edə bilər. Qeyd edək ki, ötən günlərdə YouTube reklam bloklayıcıları ilə bağlı da addım atmışdı. Bu addım ilə artıq reklam bloklayıcılarından istifadə edənlər tətbiqdə heçbir video izləyə bilməyəcəkdi.
Tədbirdə texnologiya nəhəngi elan edib ki, Youtube tətbiqində ən çox izlənilən videolara 30 saniyəlik ötmək mümkün olmayan reklamlar əlavə ediləcək. Qeyd edək ki, bu videolar YouTube Select adı altında təsnif ediləcək. Beləliklə istifadəçilər ardıcıl davam edən 15 saniyəlik videolar əvəzinə 30 saniyəlik tək rəklam izləyəcəklər. Maraqlısı budur ki, YouTube Select göstəricilərinin 70 faizi məhz Televizorlarda göstərilən reklam videolarıdır. Həmçinin tədbirdə şirkət bildirib ki, istifadəçilər videonu dayandırdıqda reklam aktiv ediləcək. Bu isə yeni Pause Experience funksiyasıdır. Hələlik bu funksiya test mərhələsində olsa da, gələcəkdə bütün videolara tətbiq edilə bilər.
Pause Experience funksiyası çərçivəsində rekıam elanlarının QR kodları da əks oluna bilər. Bu halda isə istifadəçilər QR kodu oxudaraq reklam olunan məhsul barədə daha çox məlumat əldə edə bilərlər. Qeyd edək ki, yeni reklam qərarları ilk növbədə ABŞ-da tətbiq ediləcək. Yəni YouTube ABŞ-dakı Televizorlarda 30 saniyəlik keçmək mümkün olmayan reklam videoları sərgiləyəcək. Həmçinin yeni reklam qərarlarında sonra şirkətin reklam gəlirlərinin də artacağı gözlənilir. Bundan əlavə isə reklamlardan bezən istifadəçilərin sayı da çoxala bilər və Premium hesab istifadəçilərinin sayı arta bilər.
