Artıq sirr deyil ki, Apple şirkətinə aid iPhone 14 Pro və Pro Max modelləri çox yaxşı bir şəkildə satılır, standart iPhone 14 və yeni iPhone 14 Plus modellərinə isə o qədər də çox tələbat yoxdur. Nəticədə, bir çoxları Plus modelinin qısamüddətli məhsul olub-olmayacağı ilə bağlı fikirlər söyləyir. Bəzi mənbələr hətta Apple-ın bu ilin sonunda plus modellərini dayandıra biləcəyini düşünür. Lakin yeni bir hesabata görə, iPhone 15 Plus hələ də masadadır, yəni cihaz ən azı bir il daha qarşımıza çıxmağa davam edəcək.
Plus modelinə tələbatın artmaması səbəbi ilə Apple şirkətinin bu məhsulları hələ də istehsal etmək qərarını saxlaması çətin vəziyyət yaradır. Analitik Ross Young qeyd edir ki, hal-hazırda Pro modelləri bütün iPhone 14 seriyası üçün olan ekran sifarişlərinin 75 faizini təşkil edir və bu rəqəmin 2023-cü ilin birinci rübündə 80 faizə yüksələcəyi gözlənilir. Lakin sadə, o cümlədən Plus modelləri bütün sifarişlərin yalnız 5 faizini əhatə edir, ona görə də Apple şirkətinin bu model xəttini ayaqda saxlamasında bəzi çətinliklər yaranır. Bu çətinliklər isə iPhone 15 seriyası ilə başlayan yeni texniki təminat və qiymət strategiyasına təkan verir.
Tim Cook şirkətin ən son qazanc hesabatında iPhone 14 Pro və Pro Max modelləri haqqında olduqca müsbət fikirlər bildirib. Lakin iPhone Plus haqqında olan suallara o qədər də ətraflı cavablar verməyib. Bu yerdə isə ötən günlərdə ortalığa çıxan iPhone seriyasına Ultra modelinin əlavə olunaraq sadə modellərlə qiymət fərqinin azalması gündəmə gəlib. Bloomberg resursu bildirir ki, iPhone 15 Ultra adlı model Pro Max modelindən də daha üst səviyyə özəlliklər təklif etməlidir. Bu üstünlük isə özünü periskopik telefoto kamerada göstərəcək. Lakin bu modelin Pro Max modelini əvəz edəcəyi, yoxsa yeni bir model olacağı naməlumdur.
Ehtimallara görə iPhone 15 Pro modeli, iPhone 15 Ultra (Pro Max) modelindən texniki cəhətdən əhəmiyyətli dərəcədə məhz bu ildən ayrılacaq. iPhone 15 Plus isə dinamik ada əldə edərək, böyük ekranlı cihaz kateqoriyasında texniki xüsusiyyətləri artaraq qiymət cəhətdən artan iPhone 15 Ultra modeli yerinə yaxşı seçim olacaq. iPhone 15 Pro almaq istəməyənlər, yaxın qiymətə böyük ekran üçün iPhone 15 Plus modelinə yönələcəklər. Apple şirkətinin tipik buraxılış cədvəlinə uyğun olaraq, yeni iPhone modellərinin sentyabr ayında elan ediləcəyi gözlənilir.
