Qısa videoların sosial mediada üstünlük təşkil etdiyi bu günlərdə YouTube “Shorts” yəni qısa məzmun paylaşan istehsalçıları üçün yeni proqramını elan etdi. Belə ki, məzmun istehsalçıları reklam gəlirlərinin daha böyük hissəsini alacaq və müəllif hüquqları ilə qorunan musiqilərdən istifadə edə biləcəklər.
Tik-Tok günümüzə gələndən bəri qısa videoların istifadəçilər tərəfindən daha çox izləndiyi məlum məsələdir. Bu səbəbdən artıq bütün sosial platformalar qısa məzmunlar təqdim etməyə başlayıb. Sanki Tik-Tok sosial media bazarına bir yenilik gətirdi və digər sosial platformalar da daha çox rəqabət etməyə başladı deyə bilərik. Artıq uzun, vaxt alan məzmunlar deyil, qısa formada məzmun təqdim edən istehsalçılar daha çox izləyici əldə edə bilir. Bundan başqa daha çox izləyici əldə etmək istəyən platformalar davamlı olaraq məzmun istehsalçılarını hədəfləyərək onlara daha çox qazanmağı təklif edərək yeni programlar təqdim edirlər.
YouTube Shorts reklamlarından gələn gəlirin 45%-i istehsalçıya aid olacaq
2008-ci ildən bəri məzmun istehsalçılarına pul qazandıran YouTube yeni proqramını açıqlayıb. YouTube Shorts üçün məzmun istehsal edəcək istifadəçilər üçün eksklüziv olan bu proqram məzmun istehsalçılarına daha çox pul qazanma imkanları və xüsusi imkanlar təqdim edəcək. Belə ki, “YouTube Partnyor Proqramının” bir hissəsi olacaq yeni proqram vasitəsi ilə məzmun istehsalçıları Shorts məzmunları arasında göstərilən reklamlardan əldə etdikləri gəlirin 45%-ni pulqabılarında saxlaya biləcəklər. Ödənişlər aylıq olaraq həyata keçiriləcək. Lakin bu proqramın yeganə üstünlüyü bununla bitmir.
Məzmunda müəllif hüquqları ilə qorunan musiqidən istifadə etmək sərbəst olacaq. Yəni proqramda iştirak edən kontent istehsalçıları öz məzmunlarına müəllif hüquqları ilə qorunan musiqi əlavə edə biləcəklər. Bununla belə, məzmun istehsalçılarının Creator Music vasitəsilə populyar və müəllif hüquqları ilə qorunan musiqidən istifadə etməsi üçün sadəcə telif haqqını ödəməkləri kifayət edəcək. Bütün bunlara əlavə olaraq, məzmun istehsalçıları Super Thank You, Super Chat və Super Stickers və kanal üzvlükləri kimi xüsusiyyətlərdən də yararlana biləcəklər.
Proqram nə vaxt çıxacaq və kimlər faydalana bilər?
YouTube yeni proqram üçün dəqiq bir tarix verməsə də, proqramın 2023-cü ildən istifadəyə veriləcəyi açıqlandı. Bu proqrama müraciət etmək üçün ən azı 1000 abunəçiyə malik olmaq və son 3 ayda ən azı 10 milyon baxış əldə etmək lazımdır.
