ABŞ və Çin arasındakı siyasi münaqişələr texnologiya sahəsinə də böyük zərbələr endirməyə davam edir. Belə ki, daha əvvəl Huawei şirkətinin fəaliyyətini sanksiyalarla məhdudlaşdıran ABŞ indi Çinin sərt addımına məruz qalıb. Qeyd edək ki, Çin hakimiyyət orqanları internetdə populyar mesajlaşma proqramlarına qarşı sərt tədbirlər görür. Artıq Apple, ABŞ mərkəzli WhatsApp, Telegram və Signal proqramlarını Çin App Store mağazasından silir.
Çinin tənzimləyici orqanları tərəfindən 2023-cü ildən əvvəl başladılan kütləvi təmizləmə proqramının bir hissəsi olan bu qərar Çindəki iOS və Android mağazalarından qeydiyyatdan keçməmiş və etibarsız proqramların qarşısını almağı hədəfləyir. Ölkənin hakimiyyət orqanları mobil proqram tərtibatçılarını mart ayına qədər hökumətdə qeydiyyatdan keçməyi və ya fəaliyyətini dayandırmağa çağırır. Ümumiyyətlə, Çin illərdir ki, xarici mesajlaşma proqramlarını və sosial media platformalarını bloklayır. Hətta ölkədə sosial media platformalarının hamısı demək olar ki, yerli şirkətlərə məxsusdur.
AppInChine şirkəti bildirir ki, yeni qaydalar istehlakçıların seçimini əsasən yerli tətbiqlərlə məhdudlaşdıracaq. Bu qərar onları cəmiyyətdən daha çox təcrid edəcək. Çinin Sənaye və İnformasiya Texnologiyaları Nazirliyi apreldən iyun ayına qədər ərizələrin qeydiyyatına nəzarət edəcəyini və yanlış məlumatlarla mübarizəyə daha çox mübarizə aparacağını açıqlayıb. Qeyd edək ki, bütün bu addımlar məhz ABŞ-da Çin mərkəzli TikTok platformasının qadağan edilməsi ilə bağlı müzakirələrlə paralel olaraq atılıb. ABŞ siyasətçiləri, milli təhlükəsizliklə bağlı narahatlıqlarını dilə gətiriblər və TikTok-un Çinə məxsus olmayan bir şirkətə satılmasını ya da ABŞ-da istifadəsinin qadağan olunmasını təklif ediblər.
