Meta şirkətinə məxsus olan və son günlərdə yeniləmələrin sayını artıran WhatsApp platforması hacker təzyiqinə məruz qalıb. Cybernews mənbəsi bildirir ki, məşhur hacker səhifələrindən birincə 487 milyon WhatsApp istifadəçisinin məlumatları satışa çıxarılıb. Qeyd edək ki, bu məlumatların hər biri fişinq və fırıldaqçılıq məqsədləri üçün satışa çıxarılıb. WhatsApp şirkəti mövcud vəziyyət ilə bağlı hələ kimi məlumat verməyib. Ən çox istifadəçi məlumatları sızdırılan vətəndaşlar isə ABŞ, Misir, Türkiyə və digər ölkələrin vətəndaşlarıdır.
Məşhur hacker səfifəsində 500 milyona yaxın WhatsApp istifadəçisinin məlumatlarını satan elanın sahibi bu məlumatları necə əldə etdiyini açıqlamayıb. Qeyd edək ki, elanda verilən məlumata əsasən 84 ölkədən olan vətəndaşların məlumatları satışdarır. Belə ki, bu məlumatlardan 45 milyonu Misir, 35 milyonu İtaliya, 29 milyonu Səudiyyə Ərəbistan, 20 milyonu Türkiyə vətəndaşlarına aiddir. Ən az satışda olan məlumatlar isə 130 min İndoneziya vətəndaşına aiddir. Əlavə olaraq qeyd edək ki, dünyada 2 milyarddan çox aktiv WhatsApp istifadçisi mövcuddur və onların təxminən 4-də birinin istifadəçi məlumatları internetə sızdırlıb.
WhatsApp şirkəti hər zaman istifadəçilərinə yazışmalarının başdan sona şifrələndiyini və 3-cü tərəf tərəfindən heçbir zaman oxuna bilməyəcəyini bildirib. Lakin ötən gün Cybernews mənbəsinin aşkarladığı elan şirkətin ciddi təhlükəsizlik probleminin olduğunu ortaya çıxarıb. Mövcud vəziyyət ilə bağlı heçbir açıqlma verməyən şirkətin bu problemin qarşısını almaq üçün hansı addımları atacağı isə hələlik məlum deyil.
