Məşhur İnsayder olan OnLeaks tərəfindən Samsung Galaxy A34 modelinin render görüntüsünü paylaşılıb. insayderin paylaşdığı 5K təsvir ölçülü render görüntüsünə görə demək olar ki, brend yeni smartfonun dizayn xəttini Galaxy S23 modelindən götürəcək. Qeyd edək ki, daha öncə insayder brendin yeni flaqman modeli olan Galaxy S23 render görüntülərini də sızdırmışdı.
Samsung Galaxy A34 modeli sələfindən daha qalın ekran çərçivələri ilə gələcək
Samsung yeni orta seqmentə aid smartfonu yuvarlaqlaşdırılmış çərçivəyə və parlaq arxa panelə sahib olacaq. Əslində brend bu modeldə biraz düz korpusa keçid etsədə, cihazın künc hissələri hələdə yuvarlaq dizayna sahibdir. Smartfonun ön tərəfində isə selfi kamerasının çıxıntılı bölməsi yerləşəcək. Lakin ekran çərçivələri yeni nəsildə nazik olmaq əvəzinə daha qalınlaşacaq. Bütün şirkətlər orta seqmentdə minimal ekran çərçivələrindən istifadəyə, hətta qıvrımlı ekranlara keçid etsə də Samsung şirkəti bizi mənfi mənada təəccübləndirəcəkmiş kimi görünür.
İnsyaderin iddiasına görə Galaxy A34 modelinin çərçivə ölçüləri 161,3 x 77,7 x 8,2 mm təşkil edəcək. Həmçinin smartfonun 6.5 düymlük ekran panelinə sahib olacaq. Qeyd edək ki, yeni modelin sələfi olan Galaxy A33 5G modeli AMOLED ekran paneli ilə təchiz olunduğuna görə yeni modeldə də AMOLED ekran paneli olacağı gözlənilir. Render görüntülərinə əsasən deyə bilərik ki, smartfon 3 arxa kamera ilə təchiz ediləcək.
Əlavə olaraq qeyd edək ki, yeni orta-seqment smartfonun gələn ilin birinci yarısı təqdim olunacağı gözlənilir. Yeni smartfonun qiyməti barədə heç bir məlumat olmasa da onun 370$-dan az olacağı gözlənilir.
