Dünyanın aparıcı çip istehsalçılarından biri olan TSMC şirkəti Tencent şirkətini qabaqlayaraq ən dəyərli Asiya şirkəti olub. Belə ki, Tayvan mərkəzli texnologiya nəhəngi, nəhayət Çinin internet nəhəngi Tencent şirkətini ötə bilib. Qeyd edək ki, Tayvan mərkəzli texnologiya nəhənginin sön dövrlərdə öz dəyərini artırmasının əsas səbəblərindən biri məhz süni intellekt texnologiyasının geniş yayılması oldu. Taiwan Semiconductor Manufacturing Company adlanan texnologiya nəhəngi məhz süni intellekt dəstəkləyən çipsetlərinin istehsalını artırdığı üçün bu gün Asiyanın ən dəyərli şirkəti olub.
Bloomberg mənbəsi bildirir ki, TSMC artıq Asiyanın ən dəyərli şirkətidir. Belə ki, texnologiya nəhənginin səhmləri bu ilin may ayında təxminən 6% artaraq şirkətin kapitalının təxminən 450 milyard dollara çatdırıb. Yüksək performanslı süni intellekt dəstəkli çipsetlər hesabına öz kapitalını artıran şirkət artıq Dünyanın ən böyük kapitala malik şirkətlərindən biri olub. Qeyd edək ki, texnologiya nəhənginin son dövrlərdə öz kapitalını artırmasının digər səbəbi də məhz ABŞ olub. Belə ki, ABŞ kimi bir çox ölkə çipset sənayəsini dəstəkləyir və onun inkişafı üçün əlindən gələni edir.
Bxamayaraq ki, TSMC şirkəti Asiyanın ən dəyərli şirkəti olub, Tencent şirkəti də öz kapitalını artırıb. Belə ki, Çin internet nəhəngi bu ilin əvvəlindən bəri öz dəyərinin 7.4% artırıb. Qeyd edək ki, Çin iqtisadiyyatının yavaş bərpası səbəbilə texnologiya nəhəngi ötən ay dəyərini artıra bilməyib. Lakin buna baxmayaraq Çinli texnologiya nəhənginin hal-hazırda kapitalı 405 milyard dollardır. Analtiklər iddia edir ki, ilin 2-ci yarısında süni intellekt çiplərinə olan tələbat daha da artacaq. Məhz bu səbəbdən TSMC şirkəti öz kapitalını bir qədər də artıracaq.
