Ötən günlərdə bir çox texnologiya nəhənglərinin də həyəcanladığı gömrük rüsumları ilə bağlı ABŞ geri addım atıb. Belə ki, ABŞ telefon, kompüter və çip kimi texnoloji cihazlarının idxalı üçün müvəqqəti olaraq vergi azadlığı verib.
Beləliklə, ABŞ administrasiyası Çindən idxal edilən bəzi elektron məhsulları gömrük rüsumlarından azad edib. Bu qərarla smartfon, kompüter və çip kimi məhsullar müvəqqəti olaraq əlavə vergilərdən azad edilib. Bildiyimiz kimi, Trump bu yaxınlarda Çindən gələn məhsullara 145 faizlik çox yüksək tarif tətbiq edəcəyini açıqlamışdı. Lakin gərgin reaksiyalardan sonra bu qərar qismən geri götürülüb. Smartfonlar, noutbuklar, prosessorlar və yarımkeçirici maşınlar kimi bəzi texnoloji məhsullar hələlik bu yüksək vergilərdən azaddır.
Maraqlısı budur ki, Vergi azadlığı ABŞ-da istehsal olunmayan elektron məhsulları əhatə edirdi. ABŞ Gömrük və Sərhəd Mühafizəsi Agentliyi tərəfindən dərc edilən rəsmi sənədlərdə Apple-ın Çində istehsal etdiyi iPhone, iPad və Mac cihazlarının, həmçinin USB yaddaş, yaddaş kartı, SSD diskləri və günəş panelləri kimi müxtəlif komponentlərinin də istisnaya daxil olduğu paylaşılıb. Səlahiyyətlilər, bu məhsulların gələcəkdə fərqli vergi dərəcələrinə tabe ola biləcəyini, ancaq tətbiq ediləcək yeni dərəcələrin açıqlanan yüzdə 145 səviyyəsindən aşağı olacağını ifadə edib. Səlahiyyətlilər bu qərarın istehsalını böyük ölçüdə Çində davam etdirən Apple və buna bənzər texnologiya şirkətlərinin maliyyə yükünü azaltdığını bildirib. Eyni zamanda, bu müvəqqəti istisna ilə istehlakçıların üzləşə biləcəyi qiymət artımlarının qarşısını almaq məqsədi güdülür.
